ق ر ءىىم مالىمدەۋىنشە، قازاقستاندىقتارعا ازاماتتىققا قاتىستى ەسكەرتۋلەر جاسالدى، دەپ حابارلايدى aqshamnews.kz
تاراتىلعان اقپاراتتا قازاقستان زاڭناماسىنا سايكەس ازاماتتارعا قوس ازاماتتىق الۋعا قاتاڭ تىيىم سالىناتىندىعى اتاپ ءوتىلدى.
"ەگەر ازامات باسقا مەملەكەتتىڭ ازاماتتىعىن قابىلداسا، ول 30 كۇن ىشىندە كوشى-قون قىزمەتى ورگاندارىنا حابارلاپ، قازاقستان رەسپۋبليكاسىنىڭ ازاماتتىعىنان ايىرىلۋ ءراسىمىن رەسىمدەۋى قاجەت"،- دەلىنگەن اقپاراتتا.
الايدا تاجىريبە كورسەتكەندەي، كەيبىر ازاماتتار شەتەل ازاماتتىعىن العانىمەن، بۇل تالاپتى ورىندامايدى. سونىڭ سالدارىنان زاڭسىز قوس ازاماتتىققا جول بەرىلەدى.
"ەكىنشى ازاماتتىق الۋدىڭ نەگىزگى سەبەپتەرى – تەك ەركىن ءجۇرىپ-تۇرۋ عانا ەمەس، سونىمەن بىرگە ماتەريالدىق پايدا تابۋ مۇمكىندىگى. ماسەلەن، زەينەتاقى تاعايىنداۋ، جاردەماقى الۋ نەمەسە باسقا دا الەۋمەتتىك تولەمدەر"،- دەلىنگەن اقپاراتتا.
پاۆلودار وبلىسى پوليسيا دەپارتامەنتى كوشى-قون قىزمەتى باسقارماسىنىڭ باستىعى قانات سارتوۆتىڭ ايتۋىنشا، بيىل پاۆلودار وبلىسىندا قوس ازاماتتىقتىڭ 1047 فاكتىسى اشكەرەلەندى.
"ونىڭ ىشىندە باسقا مەملەكەتتىڭ ازاماتتىعىن العانى تۋرالى ۋاقتىلى حابارلاماعانى نەمەسە قازاقستان ازاماتتىعىنان ايىرىلعاننان كەيىن دە ق ر قۇجاتتارىن پايدالانعانى ءۇشىن 28 ادام جاۋاپكەرشىلىككە تارتىلدى. سونداي-اق گەرمانيا، اقش، تۇركيا، پولشا، يسپانيا جانە چەحيا مەملەكەتتەرىنىڭ ازاماتتىعىن العان قازاقستاندىقتار تاراپىنان ازاماتتىقتان ايىرىلۋ فاكتىلەرى تىركەلدى، – دەدى سارتوۆ.