پاۆلوداردا لوندون وليمپياداسىنىڭ جۇلدەگەرىنە پاتەر كىلتى تابىستالدى

داۋلەت شابانباي

پاۆلودار وبلىسىنىڭ اكىمى ءابىلقايىر سقاقوۆ لوندون وليمپياداسىنىڭ جۇلدەگەرى داۋلەت شابانبايعا پاتەر كىلتىن تابىس ەتتى، دەپ حابارلايدى Almaty-akshamy.kz وبلىستىق اكىمدىكتىڭ باسپا ءسوز قىزمەتىنە سىلتەمە جاساپ.
داۋلەت شابانباي – ازيا چەمپيوناتىنىڭ ءتورت دۇركىن (2008، 2009، 2011، 2014) قولا جانە ازيا ويىندارىنىڭ كۇمىس جۇلدەگەرى. بيىل قىركۇيەك ايىندا دوپينگكە قارسى تەكسەرىستەر جانە گرۋزيا مەن وزبەكستان سپورتشىلارى ناتيجەلەرى ەسەپكە الىنباعانىنان كەيىن جەرلەسىمىز لوندونعى 2012 جىلعى وليمپيادانىڭ قولا جۇلدەگەرى اتاندى. سپورتشى مانسابىن اياقتاعاننان سوڭ پالۋان جاتتىقتىرۋشى بولماق.

«باستى ماقسات – جاستارعا تاجىريبەم مەن ەڭبەكسۇيگىشتىك قاسيەتتەردى جەتكىزە ءبىلۋ. ەڭبەك ءبارىن دە جەڭبەك. قازاقستان سپورتىنىڭ تۋى بيىكتە جەلبىرەي بەرسىن»، – دەدى داۋلەت شابانباي.

ءوڭىر باسشىسى وليمپيادا جۇلدەگەرىنىڭ سپورتتى دامىتۋداعى ەڭبەگىن جوعارى باعالاپ، پاۆلودارداعى ءبىر بولمەلى پاتەر كىلتىن تابىستادى.
«وبلىس تۇرعىندارى ءسىزدىڭ جەتىستىگىڭىزبەن ماقتانادى. وسكەلەڭ ۇرپاق ءۇشىن ۇلگىسىز. جيعان تاجىريبەڭىز بەن شەبەرلىگىڭىزدى جاس سپورتشىلارعا دارىتا بىلۋگە كەرەك. شىن جۇرەكتەن، ىسىڭىزگە ساتتىلىك تىلەيمىن»، – دەدى ءابىلقايىر سقاقوۆ.