2023 جىلدىڭ 9 ايىندا ەلىمىزدەگى قوناق ۇيلەر تۋريستەرگە 175،7 ملرد تەڭگەگە قىزمەت كورسەتتى. بۇل وتكەن جىلدىڭ سايكەس كەزەڭىمەن سالىستىرعاندا 36 پايىزعا ارتىق، دەپ حابارلايدى اlmaty-akshamy.kz.
2022 جىلدىڭ قاڭتار-قىركۇيەك ارالىعىندا ەلىمىزدەگى ورنالاستىرۋ ورىندارى تۋريستەرگە 129،2 ملرد تەڭگەگە قىزمەت كورسەتكەن. ال پاندەمياعا دەيىنگى دەڭگەيمەن سالىستىرعاندا اتالعان كورسەتكىش شامامەن 2 ەسە ءوستى. قازىرگى تاڭدا ەلىمىز بويىنشا بارلىعى 4 مىڭنان اسا تۋريستىك ورنالاستىرۋ ورنى بار. ولاردىڭ قاتارىنا قوناق ۇيلەر، موتەلدەر، پانسيوناتتار، بالالار لاگەرلەرى، كەمپينگتەر، جاتاقحانالار، دەمالىس ۇيلەرى جانە باسقا دا ورىندار كىرەدى.
«كوميتەت ەلىمىزگە كەلەتىن قوناقتارعا قولايلى جاعداي جاساۋ، ورنالاستىرۋ ورىندارىنىڭ اسسورتيمەنتىن كەڭەيتۋ جانە تۋريستىك قىزمەتتەردىڭ ساپاسىن ارتتىرۋ بويىنشا جۇمىستاردى جالعاستىرادى. قولعا الىنىپ جاتقان ناقتى ىستەر كەلۋشىلەردىڭ قاجەتتىلىكتەرىن قاناعاتتاندىرۋعا عانا ەمەس، تۋريزم سالاسىنداعى ەكونوميكالىق ءوسۋدى قولداۋعا دا باعىتتالعان. سونىمەن قاتار ولار قازاقستان بەدەلىن ءتۇرلى جانە ساپالى ورنالاسۋ نۇسقالارى بار تۋريستىك باعىت رەتىندە نىعايتۋعا سەپتىگىن تيگىزەدى»، - دەپ اتاپ ءوتتى ق ر تسم تۋريزم يندۋسترياسى كوميتەتى ءتوراعاسىنىڭ م.ا. نۇرتاس كارىپبايەۆ.