پاۆلودار وبلىسىندا ايەل ادامدى ءولتىرىپ، ونىڭ ءۇيىن توناماق بولعان ەر ادام 10 جىلعا باس بوستاندىعىنان ايىرىلدى، دەپ حابارلايدى Aqshamnews.kz ءتىلشىسى.
پاۆلودار وبلىسىندا سوت ايەل ادامدى پىشاقتاپ ءولتىرىپ، وزگە ءبىر ءۇيدى توناۋعا وقتالعان ەر ادامعا قاتىستى ۇكىم شىعاردى.سوت مالىمەتىنشە، قىلمىس 2025 جىلدىڭ شىلدە ايىندا پاۆلودار وبلىسىنداعى زاريا اۋىلىندا بولعان. الدىمەن ايىپتالۋشى اۋىل تۇرعىنىنىڭ ۇيىنە زاڭسىز كىرگەن. سول ءتۇنى ول تاعى ءبىر جەكە ءۇيدىڭ اۋلاسىنا ءتۇسىپ، مۇلىك ۇرلاماق بولعان. الايدا ءۇي يەسى ونى بايقاپ قالعان. وسى كەزدە ەر ادام ايەلگە شابۋىل جاساپ، ونى پىشاقتاپ ولتىرگەن.
قىلمىستىڭ ءىزىن جاسىرۋ ءۇشىن كۇدىكتى ءۇي ىشىندەگى زاتتاردى ورتەپ، وقيعا ورنىنان قاشىپ كەتكەن.
سوتتا پروكۋرور ايىپتالۋشىعا 9 جىل باس بوستاندىعىنان ايىرۋ جازاسىن سۇراعان. ال كۇدىكتى مەن ونىڭ قورعاۋشىسى تۇرعىن ۇيگە زاڭسىز كىرۋ دەرەگى بويىنشا اقتاۋدى، ال كىسى ءولتىرۋ بابىمەن ەڭ تومەنگى جازا تاعايىنداۋدى وتىنگەن. جابىرلەنۋشى تاراپ ناقتى مەرزىمگە سوتتاۋدى تالاپ ەتتى.
سوت ەر ادامنىڭ كىناسى تولىق دالەلدەنگەنىن اتاپ ءوتتى. بۇل جابىرلەنۋشىلەر مەن كۋاگەرلەردىڭ كورسەتۋلەرى، ساراپتاما قورىتىندىلارى جانە سوتتالۋشىنىڭ ءوز كىناسىن مويىنداۋىمەن راستالعان.
سوت ايىپتالۋشىنىڭ بۇرىن سوتتالماعانىن، كىناسىن مويىنداپ، وكىنىش بىلدىرگەنىن جەڭىلدەتەتىن ءمان-جايلار رەتىندە ەسەپكە الدى. اۋىرلاتاتىن جاعدايلار انىقتالماعان.
قىلمىستاردىڭ جيىنتىعى بويىنشا ەر ادام 10 جىلعا باس بوستاندىعىنان ايىرىلدى. ۇكىم زاڭدى كۇشىنە ءالى ەنگەن جوق.