سۋديا Telegram-نىڭ نەگىزىن قالاۋشى پاۆەل دۋروۆتى الدىن الا جاۋاپ الۋ جانە تاعىلعان ايىپتار ءۇشىن پوليسيادا ۇستاۋدى توقتاتتى، دەپ حابارلايدى aqshamnews.kz BFMTV - كە سىلتەمە جاساپ.
– تەرگەۋ سۋدياسى الدىن الا جاۋاپ الۋ مەن ايىپتاۋ قورىتىندىسىن كۇتكەنگە دەيىن پوليسيادا ۇستاۋدى توقتاتتى، – دەپ حابار بەردى فرانسۋز جۋرناليستەرى.
26 تامىزدا دۋروۆتى قاماۋدا ۇستاۋ مەرزىمى 28 تامىزعا دەيىن ۇزارتىلدى. فرانسيا زاڭى 96 ساعاتقا دەيىن قاماۋعا الۋعا رۇقسات بەرەدى. وسىدان كەيىن سوت سوتتالۋشىنى بوساتۋ نەمەسە وعان ايىپ تاعىپ، قاجەت بولعان جاعدايدا قاماۋدا ۇستاۋ تۋرالى قاۋلى شىعارۋى كەرەك.
پاۆەل دۋروۆ 24 تامىز كۇنى كەشكە پاريج اۋەجايىندا قاماۋعا الىندى.
Politico باسىلىمىنىڭ حابارلاۋىنشا، فرانسيا بيلىگى دۋروۆتى قاماۋعا الۋ تۋرالى وردەردى 2024 جىلدىڭ 25 ناۋرىزىندا شىعارعان. بۇل رەتتە ونىڭ اعاسى، Telegram نەگىزىن قالاۋشى نيكولاي دۋروۆتى قاماۋعا الۋ تۋرالى وردەر شىقتى.
قاماۋعا الۋ وردەرى «كامەلەتكە تولماعانداردىڭ پورنوگرافيالىق سۋرەتتەرىن يەمدەنۋگە، تاراتۋعا نەمەسە پايدالانۋدى ۇسىنۋعا قاتىسقانى ءۇشىن» شىعارىلدى.