قاسكەلەڭدە قازاقستانداعى العاشقى كرەاتيۆتى يندۋستريا ساياباعى سالتاناتتى تۇردە اشىلدى. بۇل پارك Energo University بازاسىندا جۇمىس ىستەيتىن بولادى، دەپ حابارلايدى aqshamnews.kz
جوبا قازاقستان رەسپۋبليكاسى مادەنيەت جانە اقپارات مينيسترلىگىنىڭ قولداۋىمەن جۇزەگە استى. ءىس-شاراعا الماتى وبلىسىنىڭ باسشىلىعى، ق ر ءماجىلىسىنىڭ دەپۋتاتتارى، بيزنەس قاۋىمداستىعى مەن كرەاتيۆتى يندۋستريا وكىلدەرى قاتىستى.
كرەاتيۆتى ساياباق 12 گەكتار اۋماقتى قامتيدى. تەرريتوريادا جايلى ساياباق زوناسى، سپورتتىق جانە تاقىرىپتىق الاڭدار ورنالاسقان.
اشىلۋ كۇنىندە كينويندۋستريا فورۋمى ءوتتى، وعان نيۋ-يورك كينواكادەمياسىنىڭ پرەزيدەنتى مايكل يانگ جانە باسقا دا توپ-مەنەدجەرلەر قاتىستى. ساياباقتا الەمگە ايگىلى اكادەميامەن بىرلەسىپ، كرەاتيۆتى يندۋستريا مەكتەبىن اشۋ جوسپارلانىپ وتىر. وندا كينو، مەديا، ديزاين، انيماسيا، ويىن جاساۋشى، جاساندى ينتەللەكت جانە جاسىل تەحنولوگيا سالاسى بويىنشا ماماندار دايارلانادى.