پاتشايىم بيزنەسكە كىرىستى

100-گە تاياعان ءىى ەليزاۆەتا پاتشايىمنىڭ ومىرگە قۇشتارلىعى سونشا، ول ءوزىنىڭ جەكە بيزنەسىن اشتى.

ۇلىبريتانيا پاتشايىمى ەندى زەرىكپەيدى. ءوزىنىڭ 96 جاسىندا ءىى ەليزاۆەتا تۇزدىقتار وندىرۋمەن اينالىسپاقشى بولىپ جەكە بيزنەسىن اشتى. جاسى 100-گە تاياسا دا، كاسىپكە قىزىعۋشىلىق تانىتقان كەيۋانانىڭ بۇل شەشىمى كوپشىلىكتى تاڭقالدىردى.

The Sun پورتالىنىڭ حابارلاۋىنشا، پاتشايىمنىڭ كەچۋپى تاڭعى اسقا نەمەسە كۇننىڭ كەز كەلگەن ۋاقىتىندا قولدانۋعا وتە ىڭعايلى جانە ول قۇرما، الما شىرىنى مەن دامدەۋىشتەرمەن حوش يىستەندىرىلگەن. ال قوڭىر سوۋسى ستەيككە ارنالعانداي، ونىڭ قۇرامى سىركە سۋى مەن دامدەۋىشتەرمەن تولىقتىرىلعان. بارلىق دامدەۋىشتەر نورفولكتەگى پاتشايىمنىڭ يەلىگىندە دايىندالعان جانە تەك تاڭداۋلى ينگرەديەنتتەردەن تۇرادى. ساتىلىمعا شىعاتىن ۋاقىتى ازىرگە بەلگىسىز.

ايتپاقشى، بۇل پاتشايىمنىڭ العاشقى كاسىبى ەمەس. 2020 جىلى ول ۆيسكي جاسايتىن ءوزىنىڭ الكوگولدىك برەندىن شىعارعان بولاتىن.

بيىل اقپان ايىندا ۇلىبريتانيا پاتشايىمى ءىى ەليزاۆەتانىڭ بيلىككە كەلگەنىنە 70 جىل تولدى.

دايىنداعان اسەل داعجان