بۇگىندە مۇحيت ءتۇبىنىڭ تەك 20 پايىزى عانا كارتاعا تۇسىرىلگەن. يۋنەسكو 2030 جىلعا قاراي بۇل كورسەتكىشتى 80 پايىزعا جەتكىزبەك. بۇل تۋرالى بۇۇ جاڭالىقتار سايتى مالىمدەدى.
مۇحيتقا قاتىستى زەرتتەۋلەر قولدانبالى عىلىمنىڭ ەڭ پەرسپەكتيۆالى باعىتتارىنىڭ ءبىرى بولعانىمەن، مەملەكەتتەر مۇحيتقا زەرتتەۋ بيۋدجەتىنىڭ ورتا ەسەپپەن تەك 1،7 پايىزىن عانا جۇمسايدى. بۇل عىلىمي زەرتتەۋلەردىڭ باسقا سالالارىنان الدەقايدا از. تەڭىز ءتۇبىنىڭ تەرەڭدىگى مەن رەلەفىن ءبىلۋ مۇحيت بۇزىلىستارىن، اعىستاردى جانە تولقىنداردى ءتۇسىنۋ ءۇشىن وتە ماڭىزدى.
بۇل دەرەكتەر سەيسميكالىق جانە سۋنامي ءقاۋپىن بولجاۋعا، سونداي-اق قورعاۋدى قاجەت ەتەتىن تابيعي ەرەكشەلىكتەر مەن بالىق رەسۋرستارىن انىقتاۋعا كومەكتەسەدى.
بۇل ءبىلىم ينفراقۇرىلىم نىساندارىنىڭ قۇرىلىسىن جوسپارلاۋ جانە مۇناي توگىلۋلەرى، ۇشاق اپاتتارى جانە تەڭىز اپاتتارى سياقتى اپاتتارعا ءتيىمدى ارەكەت ەتۋدى ازىرلەۋ كەزىندە دە وتە ماڭىزدى.
دايىنداعان اسەل داعجان