الماتىدا جالدامالى تۇرعىن ءۇي باعاسى كۇرت ءوستى، دەپ حابارلايدى aqshamnews.kz
قالا تۇرعىندارى بۇل ۇردىسكە ستۋدەنتتەردى كىنالاۋدا.
Astana TV دەرەگىنە سۇيەنسەك، بۇعان دەيىن مەگوپوليستە ءبىر بولمەلى پاتەردى 180 مىڭ تەڭگەگە جالعا الۋعا بولاتىن بولسا، ءقازىر ونىڭ قۇنى 250 مىڭ تەڭگەگە دەيىن جەتىپ وتىر.
قالا تۇرعىندارى باعانىڭ بۇلاي شارىقتاۋىنا جاڭا وقۋ جىلىنىڭ باستالۋى سەبەپ بولعانىن ايتۋدا. الماتىعا وزگە وڭىرلەردەن ستۋدەنتتەر لەگى كەلىپ، جالعا بەرۋشىلەر بۇل جاعدايدى وڭتايلى پايدالانىپ وتىر، دەيدى ولار.
"ءار جىل سايىن وسى ۋاقىتتا، قىركۇيەكتە سۇرانىس وسەدى. تيىسىنشە، باعالار دا 10-20%-عا ارتاتىن كەزەڭ باستالادى. اسىرەسە ستۋدەنتتەر وقيتىن مەكەمەلەرگە جاقىن بوستاندىق جانە المالى اۋدانداردا باعا تىپتەن كوتەرىلەدى"، – دەدى جىلجىمايتىن مۇلىك اگەنتتىگىنىڭ ديرەكتورى شولپان ابداكوۆا.
الايدا، ەكونوميستەر جالدامالى تۇرعىن ءۇي باعاسىنىڭ ءوسۋىنىڭ نەگىزگى سەبەپتەرىن باسقاشا تۇسىندىرەدى. ولاردىڭ اراسىندا:
نارىقتىڭ شەكتەۋلى بولۋى؛
ينفلياسيا؛
ميگراسيانىڭ جوعارى دەڭگەيى.