نۇركەنت شاعىناۋدانىندا زاماناۋي بالالار ويىن الاڭىن اباتتاندىرۋ اياقتالدى. جوبا «حالىق قاتىساتىن بيۋدجەت» باعدارلاماسى اياسىندا الاتاۋ اۋدانى اكىمىنىڭ اپپاراتى مەن «EL-KZ 2020» ج ش س مەردىگەرلىك ۇيىمىنىڭ بىرلەسكەن كۇشىمەن جۇزەگە اسىرىلدى.
نەگىزگى ماقسات – تۇرعىندارعا ءقاۋىپسىز ءارى جايلى دەمالىس پەن سپورت الاڭىن قالىپتاستىرۋ.
الاڭدا ويىن كەشەندەرى، سپورتتىق ترەناجەرلەر، ۆوركاۋت-ايماق، اتكەنشەكتەر مەن ورىندىقتار ورناتىلدى. بالالاردىڭ قاۋىپسىزدىگى ءۇشىن جۇمساق تارتان جابىنى توسەلىپ، جاڭا جارىق شامدارى قويىلدى. سونداي-اق دەمالۋعا ارنالعان بولەك ايماق جابدىقتالدى.
قازىرگى تاڭدا نىسان تولىق دايىن جانە تۇرعىنداردىڭ پايدالانۋىنا اشىق. جەرگىلىكتى تۇرعىندار جاڭا الاڭنىڭ وتباسىلىق دەمالىس ورنىنا اينالعانىن اتاپ وتۋدە.
«ويىن الاڭى وتە ادەمى جانە قولايلى. بالالاردىڭ قۋانىشى ەرەكشە – وينايدى، جۇگىرىپ، اتكەنشەك تەبەدى. الداعى ۋاقىتتا وسىنداي زاماناۋي دەمالىس ورىندارى اۋداندا كوبەيە بەرسىن»، – دەدى «نۇركەنت» شاعىناۋدانىنىڭ تۇرعىنى.