قازاقستانداعى كامەرالار جي ارقىلى ادامنىڭ بەت-الپەتىن تاني الادى، دەپ حابارلايدى aqshamnews.kz
بۇكىل ەل بويىنشا 19 مىڭنان استام كامەرا ادامنىڭ بەت ءجۇزىن تانۋعا، وزگە دە زاتتاردى زەردەلەۋگە، ءتىپتى كولىك اعىندارىن تالداۋعا قابىلەتتى جاساندى ينتەللەكتىمەن جابدىقتالعان. ىشكى ىستەر ءمينيسترى ەرجان سادەنوۆ وسىلاي دەپ مالىمدەدى.
بۇل جۇيەلەر جەدەل باسقارۋ ورتالىقتارىنا قوسىلعان. پوليسيا قىزمەتكەرلەرى زاماناۋي پلانشەتتەرمەن جانە سمارت-جەتوندارمەن جابدىقتالعان.
ەندى كەز-كەلگەن ادام «102» ءموبيلدى قوسىمشاسى، eGovMobile جانە ەكىنشى دەڭگەيدەگى بانكتەردىڭ قولدانباسىنا ەنگىزىلگەن «زاڭ جانە ءتارتىپ» سەرۆيسى ارقىلى قۇقىق بۇزۋشىلىق تۋرالى حابارلاي الادى.