كەرەمەت پاتەر تاپتىڭىز: كەڭ، جارىق، تەرەزەدەن ادەمى كورىنىس اشىلادى، باعاسى دا ءتيىمدى. مۇنداي ۇسىنىستان باس تارتۋ قيىن. الايدا، العاشقى كوزقاراستا ءتيىمدى كورىنگەن مامىلە الاياقتاردىڭ ءايلا-تاسىلى بولۋى مۇمكىن. بۇل تۋرالى Aqshamnews.kz سايتى حابارلايدى.
جىلجىمايتىن مۇلىك سالاسىنداعى ساراپشىلار Center Home ماركەتپلەيسى ارقىلى ەڭ ءجيى كەزدەسەتىن 5 الاياقتىق سحەماسىن انىقتاپ، ولاردان قورعانۋ جولدارىن ۇسىندى.
«بۇل پاتەردى ساتىپ/جالعا بەرىپ قويدىق» سحەماسى
بۇل – ەڭ تانىمال ادىستەردىڭ ءبىرى. كليەنت ينتەرنەتتەن وتە تارتىمدى باعامەن پاتەردى كورىپ، جالعان «يەسى» نەمەسە «ريەلتورىمەن» بايلانىسقا شىعادى. ءبىراق اڭگىمە بارىسىندا ول پاتەردىڭ ساتىلىپ نەمەسە جالعا بەرىلىپ قويعانى ايتىلادى.
الاياق ەكسكليۋزيۆتى ۇسىنىستار بازاسىنا قول جەتكىزۋ ءۇشىن الدىن الا تولەم جاساۋدى سۇرايدى. اقشا تۇسكەننەن كەيىن «ريەلتور» بايلانىسقا شىقپاي قويادى، ال «جەكە بازا» ەشقاشان ۇسىنىلمايدى.
قالاي قورعانۋ كەرەك؟
«ەكسكليۋزيۆتى» ۇسىنىستار ءۇشىن اقشا تولەمەڭىز
ريەلتوردان رەسمي قۇجاتتاردى تالاپ ەتىڭىز
تەك رەسمي اگەنتتىكتەردىڭ قىزمەتىن پايدالانىڭىز
«الدىن الا تولەم جاساساڭىز، پاتەر سىزدىكى» سحەماسى
بۇل سحەما بويىنشا ساپالى فوتولارى بار جالعان حابارلاندىرۋ جاريالانادى. قىزىعۋشىلىق تانىتقان ادامدارعا «پاتەردى كورۋ مۇمكىن ەمەس، ءبىراق ونى برونداۋ ءۇشىن الدىن الا تولەم جاساۋ كەرەك» دەپ ايتىلادى.
الاياق 10 000-نان 100 000 تەڭگەگە دەيىن دەپوزيت سۇراپ، تولەم العاننان كەيىن ءنومىرىن بۇعاتتايدى.
شىمكەنتتە 21 جاستاعى الاياق قىز ءدال وسىنداي ادىسپەن الماتىداعى ەليتالىق تۇرعىن ۇيلەردىڭ جالعان حابارلاندىرۋلارىن جاريالاپ، بىرنەشە ادامنان تولىق ايلىق تولەم العان.
قالاي قورعانۋ كەرەك؟
كەلىسىمشارتسىز ەشقانداي الدىن الا تولەم جاساماڭىز
پاتەردى ءوز كوزىڭىزبەن كورمەي اقشا بەرمەڭىز
ەگەر باعا تىم تومەن بولسا – بۇل الاياقتىق بەلگىسى
«جالعا بەرۋ نەمەسە ساتۋ يەسىنەن ەمەس» سحەماسى
الاياقتار كۇندىك جالعا الىنعان پاتەردى وزدەرىنىكى رەتىندە كورسەتىپ، ۇزاق مەرزىمگە جالعا بەرۋ نەمەسە ساتىلىمعا شىعارادى. ولار جالعان قۇجاتتار دايىنداپ، بىرنەشە اداممەن كەلىسىمشارت جاساسىپ، الدىن الا تولەم، دەپوزيت جانە العاشقى ايلىق تولەمدى الىپ، جوعالىپ كەتەدى.
ناتيجەسىندە ءبىر پاتەردە بىرنەشە «جالداۋشى» پايدا بولادى، ال ناعىز پاتەر يەسى مۇلدەم بەيحابار بولىپ شىعادى. كەيبىر الاياقتار ءتىپتى جالعان قۇجاتتارمەن پاتەردى ساتىپ جىبەرۋگە دەيىن بارادى.
قالاي قورعانۋ كەرەك؟
تەك پاتەر يەسىمەن نەمەسە رەسمي سەنىمحاتى بار اداممەن كەلىسىمشارت جاساسىڭىز
قۇجاتتاردى مۇقيات تەكسەرىڭىز، ونىڭ ىشىندە مەنشىك قۇقىعىن راستايتىن قۇجاتتاردى
كەلىسىمشارتتى نوتاريۋس ارقىلى راسىمدەڭىز
«سىزگە كەتۋگە تۋرا كەلەدى» سحەماسى
بۇل سحەما كوبىنەسە پاتەر يەلەرىنىڭ الاياقتىعى بولىپ تابىلادى. ولار «تومەن باعامەن، ءبىراق جوندەۋ جاساۋمەن» ۇزاق مەرزىمگە جالعا بەرەدى. جوندەۋ اياقتالعان سوڭ كۆارتيرانتتان قۇتىلۋ جولىن ىزدەيدى.
كەيبىر جاعدايلاردا پاتەر يەسى كەپىلدىك دەپوزيتتى قايتارمايدى، جيھاز نەمەسە تەحنيكانىڭ بۇزىلعانىن سىلتاۋ ەتىپ، قارجىلىق شىعىنعا ۇشىراتادى.
قالاي قورعانۋ كەرەك؟
جوندەۋ جاساۋدى ءوز مىندەتىڭىزگە الماڭىز
كەلىسىمشارتقا جوندەۋ بويىنشا بارلىق شارتتاردى ەنگىزىڭىز
تۇرعىن ءۇي جاعدايىن جانە بارلىق مۇلىكتى فوتو/ۆيدەوعا ءتۇسىرىڭىز
«بار، ءبىراق باسقا پاتەر» سحەماسى
حابارلاندىرۋدا ءبىر پاتەر كورسەتىلەدى، ءبىراق كەلگەندە مۇلدەم باسقا، ناشار جاعدايداعى تۇرعىن ءۇي ۇسىنىلادى.
باعاسى تىم تومەن، ورنالاسۋى ىڭعايلى پاتەرلەر – كوبىنەسە وسىنداي «جارناما ىلمەگى» بولىپ شىعادى.
قالاي قورعانۋ كەرەك؟
سىزگە باسقا پاتەر ۇسىنسا – بىردەن باس تارتىڭىز
كەلىسىمشارتتى تەك كورگەن پاتەرگە قاتىستى جاساساڭىز
تۇرعىن ۇيگە قاتىستى بارلىق مالىمەتتەردى قۇجات جۇزىندە بەكىتىڭىز
قاۋىپسىزدىك ەرەجەلەرى: پاتەر جالداۋ نەمەسە ساتىپ الۋ كەزىندە نە ىستەۋ كەرەك؟
كەلىسىمشارت جاساسپاي اقشا اۋدارماڭىز
قۇجاتتاردى مۇقيات تەكسەرىڭىز (جەكە كۋالىك، مەنشىك قۇقىعى)
جىلجىمايتىن مۇلىككە قاتىستى نوتاريالدى راستالعان كەلىسىم جاساڭىز
ەگەر «تىم ءتيىمدى» ۇسىنىس بولسا – الاياقتىق بولۋى مۇمكىن
Center Home ساراپشىلارى:
ىشكى تۇيسىگىڭىزگە سەنىڭىز. ەگەر كۇدىك تۋسا، مامىلەدەن باس تارتقان دۇرىس.