بۇل تۋرالى ۇكىمەت وتىرىسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ قۇرىلىس سالاسىندا مينيسترلىكتىڭ اتقارىپ جاتقان جۇمىستارى جونىندەگى بايانداماسىندا ايتىپ بەردى، دەپ حابارلايدى اlmaty-akshamy.kz BAQ.KZ تىلشىسىنە سىلتەمە جاساپ.
بۇگىنگى كۇنى قۇرىلىس سالاسىندا 46 476 كاسىپورىن جۇمىس ىستەيدى، جۇمىسپەن قامتىلعاندار - 641 مىڭ جۇمىسكەر مەن مامان. ءبىز جۇمىس ورىندارىن ساقتاۋ جانە ۇلعايتۋ جونىندەگى ساياساتتى ودان ءارى جالعاستىرامىز. بۇدان باسقا، ءبىزدىڭ مينيسترلىكتىڭ نەگىزگى ماقساتتارى - تۇرعىن ءۇيدىڭ قولجەتىمدىلىگىن قامتاماسىز ەتۋ، ونىڭ قۇنىنىڭ قىمباتتاۋىنا جول بەرمەۋ جانە حالىقتىڭ ءومىر ءسۇرۋ ساپاسىن ارتتىرۋ، - دەدى ول.
ونىڭ سوزىنشە، تۇرعىن ءۇي جانە قۇرىلىس ماتەريالدارى قۇنىنىڭ قىمباتتاۋىنا جول بەرمەۋ ءۇشىن مينيسترلىك ءۇش باعىتتا جۇمىس جۇرگىزىپ جاتىر.
ءبىرىنشىسى، قۇرىلىس سالاسىن سيفرلاندىرۋ. ەكىنشىسى، باعا بەلگىلەۋ جۇيەسىن جەتىلدىرۋ جانە قۇرىلىستاعى باقىلاۋدى كۇشەيتۋ. ءۇشىنشىسى، قۇرىلىس ماتەريالدارى ءوندىرىسىن دامىتۋ. قۇرىلىس سالاسىن سيفرلاندىرۋ بويىنشا جۇيە - اقپاراتتىق مودەلدەردىڭ مەملەكەتتىك بانكى ەنگىزىلىپ جاتىر، ول قۇرىلىس وبەكتىلەرىن ونلاين فورماتتا، ونىڭ ىشىندە اقپاراتتىق مودەلدەۋ تەحنولوگيالارىن قولدانا وتىرىپ مودەلدەۋگە مۇمكىندىك بەرەدى، - دەپ ايتتى قايىربەك وسكەنبايەۆ.
ايتۋىنشا، «ە-قۇرىلىس» جۇيەسى ونلاين-رەجيمدە قازانشۇڭقىر قازۋدان باستاپ پايدالانۋعا بەرۋگە دەيىنگى بارلىق كەزەڭدەگى قۇرىلىس پروسەسىن باقىلاۋعا مۇمكىندىك بەرەدى.
ۇلەستىك قاتىسۋ شارتتارىن ەسەپكە الۋ ءۇشىن «ءقازتىزىلىم» ەنگىزىلدى. ول جوسىقسىز قۇرىلىس سالۋشىلاردان ۇلەستىك قۇرىلىس بويىنشا تۇرعىن ءۇي ساتىپ الۋ قاۋىپ-قاتەرىن بارىنشا ازايتادى. ماركەتپلەيس ونلاين-پلاتفورماسىندا نارىقتا كومپانيالار قۇرىلىس ماتەريالدارىن وندىرۋشىلەردەن دەلدالسىز تىكەلەي ساتىپ الا الادى. «ە-شاڭىراق» پلاتفورماسى تۇرعىن ۇي-كوممۋنالدىق شارۋاشىلىق سۋبەكتىلەرىنىڭ ءبىرىڭعاي جۇيەسى بولىپ تابىلادى جانە تۇرعىن ءۇي قورىن باسقارۋدىڭ اشىقتىعىن، تۇرعىن ۇي-كوممۋنالدىق شارۋاشىلىق سالاسىنا مونيتورينگ پەن تالداۋدى قامتاماسىز ەتەدى، - دەيدى ييدم باسشىسى ۇكىمەتتە جاساعان بايانداماسىندا.
سوزىنشە، سالانى سيفرلاندىرۋ بويىنشا قابىلدانىپ جاتقان شارالار بيۋروكراتيانى تومەندەتەدى جانە قۇرىلىستاعى راسىمدەردى جەڭىلدەتەدى.