الماتىدا تاعى ءبىر پاتەر جالداۋ الاياعى قولعا ءتۇستى.
بوستاندىق اۋداندىق پوليسيا باسقارماسىنا جوق پاتەرلەردى جالعا بەرۋ ارقىلى الدانعان ازاماتتاردان بەس شاعىم كەلىپ ءتۇستى، – دەپ حابارلايدى aqshamnews.kz.
– كۇدىكتى تانىمال سايتتا نارىق باعاسىنان تومەن باعا كورسەتىلگەن جالعان جارنامالار ورنالاستىرعان. وسى ارقىلى پاتەرلەردى جىلدام العىسى كەلگەن ازاماتتار كۇماندانباي، تولىق الدىن الا تولەم جاساعان. اقشانى العاننان كەيىن جالعان ريەلتور بايلانىسىن ءۇزىپ، ءىزىن سۋىتىپ وتىرعان. 26 جاستاعى كۇدىكتى ۇستالىپ، قاماۋعا الىندى. اتالعان دەرەك بويىنشا قىلمىستىق ءىس قوزعالدى. تەرگەۋ امالدارى جۇرگىزىلۋدە. كۇدىكتىنىڭ جەتىسۋ وبلىسىنان كەلگەنى انىقتالدى، – دەپ مالىمدەدى بوستاندىق اۋداندىق پوليسيا باسقارماسىنىڭ باستىعى ديدار احانوۆ.
قازىرگى ۋاقىتتا تەرگەۋ مۇددەسىنە وراي، ق ر قىلمىستىق كودەكسىنىڭ 201-بابىنا سايكەس باسقا اقپاراتتار جاريالانبايدى. ايتا كەتەيىك، ق ر كونستيتۋسياسىنىڭ 77-بابىنىڭ 3-بولىگى، 1-تارماعى جانە ق ر قك-نىڭ 19-بابىنىڭ 1-تارماعىنا سايكەس، كەز كەلگەن ازاماتتىڭ كىناسىزدىگى سوت شەشىمى زاڭدى كۇشىنە ەنگەنگە دەيىن ساقتالادى.