الماتى قالاسى جاستار ساياساتى باسقارماسى قولداۋىمەن 17 قاراشا حالىقارالىق ستۋدەنتتەر كۇنىنە ارنالعان اۋقىمدى «Almaty Student’s Week» فەستيۆالى اياسىندا اۋەزوۆ اۋدانى كوميۋنيتي ورتالىعى «PROدۆيجەنيە: جاس كوشباسشىلاردىڭ يدەيالار فەستيۆالىن» ۇيىمداستىردى.
شارانىڭ ماقساتى — جاستاردىڭ ۇسىناتىن جاڭا، يننوۆاسيالىق جوبالارىن قاراستىرۋ. ستۋدەنتتەر اراسىندا بىرلىك پەن دوستىق اتموسفەراسىن قالىپتاستىرۋ، قوعامدا جان-جاقتى، ءبىلىمدى جانە بەلسەندى تۇلعالاردى تاربيەلەۋ، سونداي-اق جاستاردىڭ كوشباسشىلىق قابىلەتتەرىن دامىتۋ جانە جاڭا يدەيالاردىڭ ىسكە اسۋىنا ىقپال ەتۋ.
حالىقارالىق ستۋدەنتتەر كۇنىنە ارنالعان «PROدۆيجەنيە: جاس كوشباسشىلاردىڭ يدەيالار فەستيۆالى» 2024 جىلدىڭ 14 قاراشاسىندا، ساعات 15:00-دە اۋەزوۆ اۋدانى كوميۋنيتي ورتالىعىندا وتكىزىلدى.
شارا 3-كەزەڭنەن تۇردى. «Jas Mind» اتتى 1-كەزەڭدە قاتىسۋشى ستۋدەنتتەر جاستار بولاشاعى تۋرالى ءوز يدەيالارى مەن جوبالارىن قورعاپ، ولاردى باسقا قاتىسۋشىلار مەن ساراپشىلار الدىندا پرەزەنتاسيالادى. جوباسى ۇزدىك دەپ تانىلعان كوماندالار العىس حاتپەن جانە ارنايى سىيلىقتارمەن ماراپاتتالدى. 2-كەزەڭدە قاتىسۋشى ستۋدەنت جاستارعا ارنالعان ينتەللەكتۋالدى كۋيز ويىنى مەن كوفە-برەيك ۇيىمداستىرىلدى. ال، شارانى قورىتىندىلاعان 3-كەزەڭدە تانىمال انشىلەردىڭ قاتىسۋىمەن جاستارعا ارنالعان اكۋستيكالىق كەش وتكىزىلدى. مەرەكەلىك اتموسفەرانى ەرەكشە ەتۋ ءۇشىن ءىس-شارا «گارري پوتتەر» ستيلىندە ساندەلدى.
جاس كوشباسشىلاردىڭ يدەيالار فەستيۆالى وتە پايدالى ءارى جۇيەلى تۇردە وتە ءبىلدى. مىسالى، «Jas Mind» كەزەڭىندە قاتىسۋشىلار وزدەرىنىڭ الەۋمەتتىك، ەكولوگيالىق جانە ءبىلىم بەرۋ سالاسىنداعى يدەيالارىمەن ءبولىستى. جوبالار اراسىندا جاستاردىڭ كوشباسشىلىق قابىلەتتەرىن ارتتىرۋعا، جاڭا تەحنولوگيالاردى ەنگىزۋگە جانە قوعامداعى وزگەرىستەرگە ۇلەس قوسۋعا ارنالعان تىڭ شەشىمدەر ۇسىنىلدى. قاتىسۋشىلار مەن ساراپشىلار اراسىنداعى پىكىر الماسۋ ءارى قارايعى جوبالار مەن باستامالار ءۇشىن جاڭا سەرپىن بەردى. الداعى ۋاقىتتا دا وسىنداي ستۋدەنتتەردىڭ تىڭ جوبالارىن ىسكە اسىرۋعا مۇمكىندىك بەرەتىن ءىس-شارالاردى كوپتەپ وتكىزىلمەكشى.
