ءىس-شارانى قالالىق ءبىلىم باسقارماسىمەن بىرلەسە وتىرىپ، پوليسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى ۇيىمداستىردى.
سەمينارعا مەكتەپ ديرەكتورلارىنىڭ تاربيە ءىسى جونىندەگى ورىنباسارلارى، پسيحولوگتار جانە مەكتەپ جەتەكشىلەرى قاتىستى. بۇل ماڭىزدى كەزدەسۋ الماتى قالاسىنىڭ الاتاۋ اۋدانىنداعى يننوۆاسيالىق شىعارماشىلىق ورتالىعىندا ءوتتى، دەپ حابارلايدى aqshamnews.kz Polisia.kz-كە سىلتەمە جاساپ.
– ەسىرتكىنىڭ زاڭسىز اينالىمىنا قارسى كۇرەستەگى بىرلەسكەن كۇش-جىگەر ماسەلەلەرى كەڭىنەن تالقىلاندى. ءىس-شارانىڭ باستى ماقساتى – كامەلەتكە تولماعاندار اراسىندا ناشاقورلىقتىڭ الدىن الۋ بويىنشا ءتيىمدى ءاقپاراتتىق-تۇسىندىرۋ جۇمىستارىن جۇرگىزۋ ءۇشىن قاتىسۋشى تاراپتار اراسىندا تاجىريبە الماسۋ جانە ىنتىماقتاستىقتى نىعايتۋ. وسىعان وراي، سەميناردىڭ نەگىزگى ءۇش باعىتى انىقتالدى: ناشاقورلىقتىڭ الدىن الۋداعى تاربيە جۇمىسىنىڭ ءرولى؛ جاسوسپىرىمدەر اراسىنداعى الدىن الۋدىڭ پسيحولوگيالىق اسپەكتىلەرى؛ وقۋ ورىندارىنداعى اقپاراتتىق جۇمىستىڭ ءتيىمدى ادىستەرى، – دەپ اتاپ ءوتتى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.
سەمينار-ترەنينگ قاتىسۋشىلار ءۇشىن تاجىريبە الماسۋ جانە كامەلەتكە تولماعاندارمەن جۇمىس جاساۋداعى وزىق ادىستەردى ەنگىزۋ الاڭىنا اينالدى. بۇل قادام قوعامدا ناشاقورلىق ماسەلەسىنە قارسى ورتاق تۇسىنىستىك پەن جاۋاپكەرشىلىك كوزقاراسىن قالىپتاستىرۋعا باعىتتالعان.