بۇل سۇراققا وبلىس اكىمى قانات بوزىمبايەۆ جاۋاپ بەردى.
وبلىستى ءبولۋ جونىندەگى جۇمىس كوميسسياسى قۇرىلعان، دەپ حابارلايدى Almaty-akshamy.kz.
«قۇرىلاتىن جەتىسۋ وبلىسىنىڭ اۋماعىندا 352 ەلدى مەكەنى بار 8 اۋدان جانە 2 قالا، الماتى وبلىسىنىڭ اۋماعىنىڭ قۇرامىندا 380 ەلدى مەكەنى بار 9 اۋدان جانە 1 قالا بولادى»، - دەدى الماتى وبلىسىنىڭ اكىمى قانات بوزىمبايەۆ.
سونىمەن قاتار ءوڭىر باسشىسى وبلىستى ءبولۋ جونىندەگى جۇمىس كوميسسياسى قۇرىلعانىن، وعان وبلىستىق باسقارمالار مەن اۋماقتىق ورگانداردىڭ ءبىرقاتار باسشىلارى كىرگەنىن جەتكىزدى.
«قاپشاعاي قالاسىنىڭ جاڭا باس جوسپارى مەن ەگجەي-تەگجەيلى جوسپارلاۋ جوباسى ازىرلەنۋدە. جۇرگىزىلىپ جاتقان قايتا قۇرۋلار مەن قايتا اتاۋلار بويىنشا عىلىمي ساراپتاما جۇرگىزىلۋدە»، - دەدى ق.بوزىمبايەۆ.
ايتا كەتەيىك، الماتى وبلىستىق ءماسليحاتىنىڭ كەزەكتەن تىس سەسسياسىنىڭ كۇن تارتىبىندە قازاقستان رەسپۋبليكاسىنىڭ پرەزيدەنتى ق.توقايەۆتىڭ جەتىسۋ وبلىسىن قۇرۋ تۋرالى باستاماسى قارالىپ، دەپۋتاتتار تاراپىنان قولداۋ تاپتى.