25 قازان — رەسپۋبليكا كۇنىن الماتىداعى تەرگەۋ يزولياتورىنىڭ شارۋاشىلىق جاساعىنداعى سوتتالعاندار دا كوتەرىڭكى كوڭىلمەن قارسى الدى.
تەرگەۋ يزولياتورىندا جازاسىن وتەپ جۇرگەندەر ۇيىمداستىرعان كەشتىڭ قوناعى – 90-شى جىلداردىڭ حيتمەنى اتانعان ءانشى پارۆيز نازاروۆ بولدى. ول ءوزىنىڭ رەپەرتۋارىنان «كرەستنايا مات»، «ەدۋ نا يۋگ»، «اتامەكەن» سياقتى اندەرىن ورىنداپ، سوتتالعانداردىڭ كوڭىلىن كوتەردى. سونداي-اق ول شارۋاشىلىق جاساعىنداعى سوتتالعان مۋزىكانت باۋىرجانمەن دە بىرگە بىرنەشە ءان ورىندادى.
مەرەكەنى №72 مەكەمە باستىعى ادىلەت پودپولكوۆنيگى ا.امانجولوۆ قۇتتىقتاۋ سوزبەن اشىپ، ەلىمىزدىڭ ەڭ باستى مەرەكەسىنىڭ ماڭىزىنا توقتالدى.
سوتتالعان جاندار دايارلاعان مەرەكەلىك جيىندا ورىندالعان شالقىعان انمەن بىرگە، وزدەرىنىڭ جۇرەكتەرىنەن شىققان ولەڭ دە وقىلدى.
مەرەكەلىڭ كەش سوڭىندا الماتى قالاسى قاج دەپارتامەنتىنە قاراستى №72 مەكەمەنىڭ باستىعى ازامات جالعاسباي ۇلى امانجولوۆ ونەرپاز سوتتالعاندار مەن ءانشى پ.نازاروۆقا العىس ءبىلدىردى.