پارلامەنت ءماجىلىسىنىڭ جالپى وتىرىسىندا دەپۋتات ايبەك پايايەۆتىڭ وكىلەتتىگى مەرزىمىنەن بۇرىن توقتاتىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ق ر پارلامەنتى ءماجىلىسىنىڭ دەپۋتاتى ايبەك پايايەۆ مىندەتتەرىن اتقارۋدان ءوز ەركىمەن بوساتۋ تۋرالى ءوتىنىش بەردى. وسىعان وراي ق ر ورتالىق سايلاۋ كوميسسياسى سىزدەردىڭ نازارلارىڭىزعا ق ر كونستيتۋسيانىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋسيالىق زاڭنىڭ 24-بابى 3 جانە 8-تارماقتارىنا سايكەس، ءماجىلىس دەپۋتاتى ا. پايايەۆتىڭ ءوتىنىش بەرۋىنە بايلانىستى ونىڭ وكىلەتتىلىگىن مەرزىمىنەن بۇرىن توقتاتۋ تۋرالى ماسەلەنى شەشۋ ءۇشىن ۇسىنىم ەنگىزىپ وتىر»، - دەدى ق ر ورتالىق سايلاۋ كوميسسياسىنىڭ مۇشەسى شاۆحات وتەمىسوۆ.
جالپى وتىرىستا پالاتا دەپۋتاتتارى اتالعان ۇسىنىمعا داۋىس بەرىپ، دەپۋتاتتىڭ وكىلەتتىگىن مەرزىمىنەن بۇرىن توقتاتۋ تۋرالى شەشىم قابىلدادى.
ا. پايايەۆ 2021 جىلعى قاڭتاردان باستاپ Vءىى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولدى. «قازاقستان حالىق پارتياسىنىڭ» ءتىزىمى بويىنشا سايلانعان.