پارتيالاردىڭ اتاۋلارى سايلاۋ بيۋلەتەنىنە قانداي تارتىپپەن ورنالاسادى؟

وسك جەرەبە تارتۋ ءراسىمىن وتكىزدى.

ورتالىق سايلاۋ كوميسسياسى پارتيالاردىڭ اتاۋلارى سايلاۋ بيۋللەتەنىندە قانداي تارتىپپەن ورنالاساتىنىن انىقتاۋ ماقساتىندا جەرەبە تارتۋ ءراسىمىن وتكىزدى، دەپ حابارلايدى اlmaty-akshamy.kz

جەرەبەگە تىركەلگەن 7 پارتيانىڭ وكىلدەرى قاتىستى. ولار ورتاعا شىعىپ، ىشىنە 1-دەن 7-گە دەيىن ساندار جازىلعان كونۆەرتتەردى الدى. تيىسىنشە، جابىق كونۆەرتتەگى نومىرلەر پارتيانىڭ بيۋللەتەنىندە نەشىنشى بولىپ ورنالاساتىنىن ايعاقتايتىن بولادى.

«جەرەبە قورىتىندىسىنا ساي، 19 ناۋرىزعا تاعايىندالعان پارتيالىق تىزىمدەر بويىنشا پارلامەنت ءماجىلىسى مەن ءماسليحاتتارعا كەزەكتەن تىس سايلاۋدا داۋىس بەرۋدى وتكىزۋ كەزەڭىندە ساياسي پارتيالاردىڭ اتاۋلارى سايلاۋ بيۋللەتەنىندە كەلەسى تارتىپپەن ورنالاسادى: Amanat پارتياسى - ءبىرىنشى ورىندا، «اۋىل» حالىقتىق-دەموكراتيالىق پارتياسى - ەكىنشى ورىندا، «Respublica» پارتياسى – ءۇشىنشى ورىندا، قازاقستان حالىق پارتياسى – ءتورتىنشى ورىندا، «بايتاق» جاسىلدار پارتياسى – بەسىنشى ورىندا، «اق جول» پارتياسى – التىنشى ورىندا، جالپىۇلتتىق سوسيال-دەموكراتيالىق پارتياسى – جەتىنشى ورىندا. جەرەبەنى وتكىزۋ تارتىپتەرى حاتتامامەن بەكىتىلەدى»، - دەدى وسك مۇشەسى ءسابيلا مۇستافينا.