وسك: 9 شەت مەملەكەت پەن 3 حالىقارالىق ۇيىمنان بارلىعى 79 بايقاۋشى تىركەۋدەن ءوتتى.
ورتالىق سايلاۋ كوميسسياسى سايلاۋ ناۋقانى بارىسىندا ۇسىنىس بىلدىرگەن شەت مەملەكەتتەر مەن حالىقارالىق ۇيىمداردىڭ بايقاۋشىلارىن اكرەديتتەۋدىڭ قورىتىندىسىن شىعاردى، دەپ حابارلايدى اlmaty-akshamy.kz
«حالىقارالىق بايقاۋ ينستيۋتى اشىلعاننان بەرى 9 شەت مەملەكەت پەن 3 حالىقارالىق ۇيىمنان بارلىعى 79 بايقاۋشى تىركەۋدەن ءوتتى. بۇگىنگى تاڭدا سىرتقى ىستەر مينيسترلىگىنەن 2 شەت مەملەكەت پەن 1 حالىقارالىق ۇيىمنان 4 بايقاۋشىنى تىركەۋدەن وتكىزۋ ۇسىنىلعان بولاتىن. ونىڭ ىشىندە، بەلگيا كورولدىگىنەن 2 كانديداتۋرانى، قىرعىز رەسپۋبليكاسىنان 1 كانديداتۋرا، سونداي-اق دەموكراتيالىق ينستيتۋتتار جانە ادام قۇقىقتارى جونىندەگى بيۋرو ميسسياسىنان 1 كانديداتۋرا. سونىمەن قاتار، سىرتقى ىستەر مينيسترلىگى 16 اقپان كۇنى ورتالىق سايلاۋ كوميسسياسىنا ق ر پارلامەنتى ءماجىلىسىنىڭ دەپۋتاتتارىن كەزەكتەن تىس سايلاۋعا تىركەلگەن دەموكراتيالىق ينستيتۋتتار جانە ادام قۇقىقتارى جونىندەگى بيۋرو ميسسياسىنىڭ 1 مۇشەسى بايقاۋعا قاتىسا المايتىنى تۋرالى نوتا تۇسكەنىن حابارلادى. وسىعان بايلانىستى دەموكراتيالىق ينستيتۋتتار جانە ادام قۇقىقتارى جونىندەگى بيۋرو ميسسياسىنىڭ ءبىر مۇشەسىن تىركەۋدى كەرى قايتارىپ الۋ ماسەلەسى تۋىنداپ وتىر. باياندالعان جاعدايلار ەسكەرىلە وتىرىپ، كوميسسيا قاۋلىسىنىڭ جوباسى دايىندالدى. قولداۋلارىڭىزدى سۇرايمىز»، - دەدى ق ر وسك حاتشىسى مۇحتار ەرمان.