بۇعان دەيىن ۇگىت جۇرگىزگەن 5 زاڭ بۇزۋشىلىق فاكتىسى انىقتالعان.
ءماجىلىس پەن ءماسليحات دەپۋتاتتارىنىڭ سايلاۋ ناۋقانىندا ۇگىت جۇمىستارىنا رۇقسات بەرىلمەي جاتىپ، ناسيحاتپەن اينالىسقاندار جاۋاپقا تارتىلدى. بۇل تۋرالى ورتالىق سايلاۋ كوميسسياسىنىڭ وتىرىسىنا قاتىسقان باس پروكۋروردىڭ ورىنباسارى جاندوس ومىرالييەۆ ءمالىم ەتتى، دەپ حابارلايدى اlmaty-akshamy.kz
«بۇگىنگى تاڭدا سايلاۋ بويىنشا قوعامدىق پىكىرگە ساۋالناما جۇرگىزۋدىڭ، سونداي-اق سايلاۋ الدىنداعى ۇگىتتى جۇرگىزۋدىڭ بەلگىلەنگەن ءتارتىبى مەن شارتتارىن ساقتاماۋمەن ۇشتاسقان ءبىرقاتار زاڭ بۇزۋشىلىقتار تىركەلدى. ولاردىڭ بىرەۋى ەلوردادا بولعان. كىنالى ادامعا استانا قالاسى سارىارقا اۋدانى پروكۋرورىنىڭ قاۋلىسىمەن قىسقارتىلعان ءىس جۇرگىزۋ تارتىبىندە اكىمشىلىك قۇقىقبۇزۋشىلىق تۋرالى كودەكستىڭ 120-بابى 3-بولىگى بويىنشا 7،5 اەك مولشەرىندە اكىمشىلىك ايىپپۇل سالىندى»، - دەدى جاندوس ومىرالييەۆ.
بۇعان قوسا، كانديداتتار مەن پارتيالىق تىزىمدەردى تىركەۋ اياقتالعانعا دەيىن ۇگىت جۇرگىزگەن 5 زاڭ بۇزۋشىلىق فاكتىسى انىقتالعانىن اتاپ ءوتتى.
«بىرەۋى بويىنشا تالدىقورعان قالاسىنىڭ تۇرعىنى WhatsApp مەسسەندجەرىندە ۇگىت جۇرگىزگەنى ءۇشىن سوت قاۋلىسىمەن ايىپپۇل تۇرىندە اكىمشىلىك جازاعا تارتىلدى. قالعاندارى بويىنشا كىنالىلەردى وسى باپپەن جاۋاپقا تارتۋ جونىندەگى شارالار قابىلدانىپ جاتىر»، - دەپ توقتالدى باس پروكۋروردىڭ ورىنباسارى.