سەنات ءتوراعاسى ماۋلەن اشىمبايەۆتىڭ ايتۋىنشا، بۇگىندە ونداي اڭگىمەلەردى بىرەۋلەر ارا-تۇرا تاراتىپ وتىرادى. الايدا مەرزىمىنەن بۇرىن پارلامەنت سايلاۋىن وتكىزۋگە ەشقانداي نەگىز جوق.
"ءقازىر بىزدە زاڭنامالىق كۇن ءتارتىبى وتە ۇلكەن، ونى بايقاپ جاتقان شىعارسىزدار. ماڭىزدى زاڭدار قارالىپ جاتىر. سوندىقتان قانداي دا ءبىر مەرزىمىنەن بۇرىن سايلاۋ بولادى دەۋگە ەشقانداي نەگىز جوق"، - دەدى اشىمبايەۆ جۋرناليستەرگە بەرگەن سۇحباتىندا.
ونىڭ ايتۋىنشا، وسى سەسسيادا ءبىراز ماڭىزدى زاڭ قارالدى. سونىڭ ىشىندە سالىق كودەكسى دە بار. الداعى سەسسيا دا وڭاي بولمايتىن كورىنەدى.
ايتا كەتەرى، سوڭعى رەت سەنات سايلاۋى 2023 جىلى وتكەن بولاتىن. تۋرا سول جىلى كەزەكتەن تىس ءماجىلىس سايلاۋى دا ۇيىمداستىرىلدى.