حالىق تابىسىنا قاتىستى ستاتيستيكا ۇسىنىلدى

قازاقستاندا حالىقتىڭ 4،5%-ى كۇنكورىس دەڭگەيىنەن تومەن ءومىر سۇرەدى، دەپ حابارلايدى aqshamnews.kz

قازاقستاندا حالىقتىڭ 4،5%-ى كۇنكورىس دەڭگەيىنەن تومەن ءومىر سۇرەدى، بۇل شامامەن 1 ميلليون ادام. مۇنداي دەرەكتەردى Tengenomika كەلتىرەدى. كەدەي ادامداردىڭ سانى ءبىرشاما عانا ازايعان: ءبىر جىل بۇرىن ولاردىڭ سانى 928 مىڭ بولسا، ءقازىر – 924 مىڭ.

كەدەيلەردىڭ ەڭ كوپ شوعىرلانعان ايماقتارى – تۇركىستان وبلىسى (8،1%)، اباي وبلىسى (7،3%) جانە جەتىسۋ وبلىسى (6،9%). ال قاراعاندى وبلىسىندا (2،6%) جانە استانادا (2،1%) بۇل كورسەتكىش ەڭ تومەن.

16،5 مىڭ ادامنىڭ تابىسى تۇتىنۋ سەبەتىنىڭ قۇنىنان دا تومەن، بۇل – كەدەيلىكتىڭ ەڭ شەكتى دەڭگەيى. مۇنداي جاعدايدا ءومىر ءسۇرىپ جاتقانداردىڭ سانى ءبىر جىلدا 1 182 ادامعا ارتقان.

قالا مەن اۋىل اراسىنداعى جاعداي ءارتۇرلى: قالا تۇرعىندارىنىڭ 3،4%-ى، ال اۋىل تۇرعىندارىنىڭ 6،5%-ى كەدەيلىك شەگىنەن تومەن. قالا تۇرعىندارىنىڭ تابىسى اۋىلدىقتاردان 30%-عا جوعارى.

كۇنكورىس دەڭگەيىنەن تومەن تۇراتىن حالىقتىڭ 85%-ىن 5 جانە ودان دا كوپ مۇشەسى بار وتباسىلار قۇرايدى. ال تاعى 10%-ى – 4 ادامنان تۇراتىن وتباسىلار. بۇل، اسىرەسە جۇمىس ورىندارى مەن الەۋمەتتىك قىزمەتتەرگە قولجەتىمدىلىگى تومەن ايماقتاردا، كوپبالالى وتباسىلاردىڭ كەدەيلىك قاتەرىن ارتتىرادى.