قورعانىس ءمينيسترىنىڭ ورىنباسارى شايح-حاسان جازىقبايەۆ جۋرناليستەرگە بەرگەن سۇحباتىندا قازاقستاندا اسكەرگە شاقىرۋ ءتارتىبىن وزگەرتۋ جوسپارلانىپ جاتقانىن ايتتى، دەپ حابارلايدى aqshamnews.kz
ۆيسە-مينيستردىڭ سوزىنشە، قازىرگى ۋاقىتتا زاڭ جوباسىن قابىلداۋ پروسەسى ءجۇرىپ جاتىر. جاڭا ەرەجە بويىنشا، ازاماتتاردى اسكەرگە SMS-حابارلاما ارقىلى شاقىرۋ ۇسىنىلىپ وتىر. ءاربىر ازامات كەلىپ تۇسكەن حابارلامانىڭ راس-وتىرىگىن eGov پورتالىنداعى جەكە كابينەتى ارقىلى تەكسەرە الادى.
– زاڭ قابىلدانعاننان كەيىن بۇرىنعىداي ۇيگە بارىپ، شاقىرۋ قاعازىن تابىستاۋ بولمايدى. شاقىرۋ تەك SMS ارقىلى جىبەرىلەدى، – دەدى جازىقبايەۆ.