پارلامەنت ماڭىزدى زاڭدى توقايەۆتىڭ قول قويۋىنا جىبەردى

قۇجاتتا مەملەكەت باسشىسىنىڭ وكىلەتتىلىگىن قىسقارتۋ، سايلاۋ جۇيەسىن وزگەرتۋ جانە تاعى باسقا ماڭىزدى ماسەلەلەر بار.

سەنات دەپۋتاتتارى پرەزيدەنتتىڭ ناۋرىز ايىنداعى جولداۋىن ىسكە اسىرۋدى كوزدەيتىن زاڭدى قابىلدادى، دەپ حابارلايدى Almaty-akshamy.kz

وسى زاڭمەن 8 بىردەي كونستيتۋسيالىق زاڭىنا وزگەرىس ەنگىزىلىپ وتىر. پرەزيدەنت تۋرالى زاڭدا بۇعان دەيىن ايتىلعان باستامالار بەكىتىلەدى. ولار:

پرەزيدەنت ءۇشىن ساياسي پارتيالارعا مۇشە بولۋعا شەكتەۋ قويۋ؛

پرەزيدەنتتىڭ جاقىن تۋىستارىنا ساياسي مەملەكەتتىك قىزمەتشىلەر، كۆازيمەملەكەتتىك سەكتور سۋبەكتىلەرىنىڭ باسشىلارى لاۋازىمدارىنا ورنالاسۋعا شەكتەۋلەر ەنگىزۋ؛

سەنات دەپۋتاتتارىن، كونستيتۋسيالىق سوت جانە جوعارى سوت كەڭەسى ءتوراعالارىن تاعايىنداۋ جونىندەگى وكىلەتتىكتەردى وزگەرتۋ؛

پارلامەنتكە قاتىستى وزگەرىستەر:

سەناتتى قالىپتاستىرۋ ءتارتىبىن جانە ونىڭ ءبىرقاتار فۋنكسياسىن قايتا قاراۋ؛

ارالاس سايلاۋ جۇيەسىن ەنگىزۋ؛

ماجىلىستەگى قازاقستان حالقى اسسامبلەياسىنىڭ كۆوتاسىن الىپ تاستاۋ؛

پارلامەنت پالاتالارىندا زاڭداردى قاراۋ جانە قابىلداۋ ءتارتىبىن قايتا قاراۋ.

«سايلاۋ تۋرالى» كونستيتۋسيالىق زاڭعا ەنگىزىلەتىن تۇزەتۋلەر:

ءماجىلىس پەن ءماسليحاتتار دەپۋتاتتارىن ماجوريتارلىق جۇيە بويىنشا سايلاۋ؛

ماجوريتارلىق جۇيە بويىنشا سايلانعان ءماجىلىس پەن ءماسليحاتتار دەپۋتاتتارىن كەرى شاقىرتىپ الۋ؛

اۋداندار مەن وبلىستىق ماڭىزى بار قالالاردىڭ اكىمدەرىن سايلاۋ؛

اۋماقتىق سايلاۋ كوميسسيالارىن كاسىبي نەگىزگە اۋىستىرۋ؛

سايلاۋ الدىنداعى الەۋمەتتىك جەلىلەردەگى ۇگىت-ناسيحاتتى جۇرگىزۋ؛

سايلاۋ قورلارىنا بەرىلەتىن قايىرىمدىلىقتاردىڭ شەكتى مولشەرى؛

سايلاۋ ناۋقانىنا قاتىسۋشىلاردىڭ قارجىلىق اشىقتىعىن قامتاماسىز ەتۋ؛

سايلاۋعا شەتەلدىك ارالاسۋعا جول بەرمەۋ؛

ساياسي پارتيانى تىركەۋگە قاجەتتى ادام سانىن 5 مىڭعا دەيىن ازايتۋ؛

ساياسي پارتيانى تىركەۋ ءۇشىن ايماقتىق وكىلدەردىڭ سانىن 200 ادامعا دەيىن قىسقارتۋ؛

ساياسي پارتيانى قۇرۋ ءۇشىن باستاماشىل توپتاعى ادامداردىڭ سانىن 700-گە دەيىن ازايتۋ.

بۇدان بولەك، زاڭدا پرەزيدەنتتىڭ قايتا سايلاۋ قۇقىعىنسىز وكىلەتتىك مەرزىمىنە قاتىستى ماسەلەنى رەفەرەندۋمعا شىعارۋعا تىيىم سالىنادى.