الماتى قالاسى اكىمدىگىنىڭ مادەنيەت باسقارماسىنىڭ جانە «BAURZHAN foundation» قورى قولداۋىمەن 2022 جىلعى 5 قاراشا الماتى قالاسى «فورۋم» سوو-دا قازاقستانداعى بالالار جىلىنا ارنالعان KitapFest كىتاپ فەستيۆالى وتەدى، - دەپ حابارلايدى almaty-akshamy.kz
KitapFest كىتاپ فەستيۆالى – الماتى قالاسىنىڭ ومىرىندەگى مادەني-بۇقارالىق شارا. 2014 جىلدان بەرى وتكىزىلىپ كەلە جاتقان KitapFest رەسپۋبليكالىق دەڭگەيدەگى العاشقى كىتاپ فەستيۆالى بولىپ تابىلادى. 8 جىل ىشىندە KitapFest تانىمال قازاقستاندىق اۆتورلار مەن باسپالاردىڭ قاتىسۋىمەن 150-دەن استام كىتاپتىڭ تۇساۋكەسەرىن وتكىزگەن شىعارماشىلىق جازۋشىلىق كەزدەسۋلەر ءۇشىن بەدەلدى جانە قۋاتتى الاڭعا اينالدى.
2022 جىل سىرت قالمايدى. بيىلعى Kitap Fest kids فەستيۆالى قازاقستانداعى بالالار جىلىنا ارنالعان، سوندىقتان كەلۋشىلەردى اۋقىمدى بالالار باعدارلاماسى، بالالار جازۋشىلارى ليليا كلاۋس، گۇلنارا جاندىبايەۆا، گۇلجان سارسەنوۆا، اسەل ساپاقوۆامەن كەزدەسۋ، «تاڭىس بولايىق! باتىر»، «ءبولىسۋ دەگەن- باقىت»، «باتۋ مەن ونىڭ دوستارىنىڭ شىتىرمان وقيعالارى» كىتاپتارىنىڭ تۇساۋكەسەرى وتەدى.
Kitap Fest Kids باعدارلاماسى:
- كىتاپ الماسۋ، سورەلەردى ءارتۇرلى جانرداعى قىزىقتى كىتاپتارمەن تولىقتىرۋدىڭ بىرەگەي مۇمكىندىگى.
- جازۋشىلار شاتىرى، وتاندىق جازۋشىلار ءوز كىتاپتارىن تانىستىرىپ، پىكىر الماسادى.
- «وفلاين كىتاپتار تۋرالى» شاتىرى، تانىمال بالالار جازۋشىلارى، بلوگەرلەر جانە تابىستى ايەلدەر قاۋىمى ءوز تاجىريبەلەرىمەن بولىسەدى.
- كىتاپ جارمەڭكەسى، كىتاپ دۇكەندەرى، باسپاگەرلەر جانە ينتەرنەت-دۇكەندەرى ءوز ونىمدەرىن كورمەدە ۇسىنادى، فەستيۆال بارىسىندا قالاعان ادەبيەتتى 20% - عا دەيىن جەڭىلدىكپەن ساتىپ الۋ.
- بالالارعا ارنالعان ويىن-ساۋىق باعدارلاماسى، انيماتورلار، تەاتر قويىلىمدارى، شەبەرلىك سىنىپتارى، اكۆاگريم مەن ءتۇرلى قىزىقتى بايقاۋلار كەلگەن قوناقتارعا تاماشا كوڭىل-كۇي سىيلاماق.
سونداي-اق، فەستيۆالدە العاش رەت «اۋىلعا كىتاپ» اكسياسى وتەدى، وندا كەز-كەلگەن وقىرمان ءوز كىتابىن قازاقستاننىڭ اۋىلدىق كىتاپحانالارىنا وتكىزە الادى.
انىقتاما: BAURZHAN Foundation الەۋمەتتىك جوبالاردى جۇزەگە اسىرۋمەن اينالىسادى. قازىرگى KITAP FEST KIDS فەستيۆالىنىڭ ماقساتى-بالالاردىڭ كىتاپقا دەگەن قىزىعۋشىلىعىن ارتتىرۋ، وقىرمان مادەنيەتىن دامىتۋ، جازۋشىلار مەن ولاردىڭ وقىرماندارى ءۇشىن ءبىرىڭعاي الاڭ قۇرۋ