پارلامەنت ءماجىلىسىنىڭ قاراۋىنا «ماسس-مەديا تۋرالى» زاڭ جوباسى مەن ىلەسپە قۇجات كەلىپ ءتۇستى، دەپ حابارلايدى Almaty-akshamy.kz.
«بۇل قۇجاتتار ۇكىمەتتىڭ زاڭ جوبالاۋ جوسپارىنا سايكەس ازىرلەندى. «ماسس-مەديا تۋرالى» زاڭ جوباسى وسى سالاداعى زاڭنامانى جەتىلدىرۋگە باعىتتالعان. ىلەسپە زاڭ جوباسىندا ءۇش كودەكسكە جانە 12 زاڭعا وزگەرىس پەن تولىقتىرۋ ەنگىزۋ جوسپارلانعان. الەۋمەتتىك-مادەني دامۋ كوميتەتى اتالعان زاڭ جوبالارى بويىنشا قورىتىندى ازىرلەۋگە دايىن»، - دەدى ءماجىلىستىڭ الەۋمەتتىك-مادەني دامۋ كوميتەتىنىڭ ءتوراعاسى اسحات ايماعامبەتوۆ پالاتانىڭ جالپى وتىرىسىندا.
بيىل مامىر ايىندا اقپارات جانە قوعامدىق دامۋ ءمينيسترى دارحان ءقىدىرالى اتالعان زاڭ جوبالارىنا قاتىستى پىكىر بىلدىرگەن ەدى.
«ماسس-مەديا تۋرالى زاڭ ءجۋرناليستىڭ قۇقىعىن ايقىندايدى. ونىڭ مارتەبەسىن بەلگىلەپ، بەكىتەدى. ءبىز، ارينە، ول زاڭنىڭ دا جەتىلۋىنە، جۇرۋىنە مينيسترلىك رەتىندە كومەك كورسەتەمىز»، - دەدى مينيستر.