قورعانىس ءمينيسترى رۋسلان جاقسىلىقوۆ ءماجىلىستىڭ جالپى وتىرىسىنىڭ كۋلۋارىندا اسكەرگە شاقىرتۋ تۋرالى ايتتى، دەپ حابارلايدى Almaty-akshamy.kz
«شاقىرتۋ كامپانياسىنا اتقارۋشى بيلىك جاۋاپ بەرەدى. ءبىز ولاردى تىزىممەن قامتاماسىز ەتەمىز. اسكەري بورىشىن وتەۋدەن جالتارعان ادامدى زاڭ بويىنشا شاقىرتۋىمىز قاجەت. ءبىز تەك زاڭ اياسىندا عانا ارەكەت ەتەمىز. قازىرگى جاستاردىڭ ويلاۋ جۇيەسى باسقاشا. ەگەر سەن ەلىڭنىڭ ناعىز پاتريوتى بولساڭ، اسكەرگە بارۋىڭ كەرەك. اسكەرگە بارمايدى، ال تۇنگى كلۋبقا بارادى. دەنساۋلىعى تۇنگى كلۋبقا بارىپ، كوڭىل كوتەرۋگە جەتەدى ەكەن. ال وتان الدىنداعى بورىشىن اتقارۋعا جەتپەي مە؟» - دەدى رۋسلان جاقسىلىقوۆ.
ول شاقىرتۋدان جالتارعان جاستاردى زاڭ اياسىندا ىزدەپ، قورعانىس دەپارتامەنتىنە شەشىم قابىلداۋ ءۇشىن الىپ كەلەتىنىن ايتتى.
مينيستر اسكەرگە بارمايتىن جاستاردىڭ تاربيەسىنە قاتىستى دا پىكىر ايتتى.
«ول جاستاردى ناعىز ەركەك قىلىپ تاربيەلەۋ كەرەگىن ايتتى. ول ءوزى ءۇشىن دە، ءوزىنىڭ وتباسى ءۇشىن دە، وتانى ءۇشىن دە جاۋاپكەرشىلىك الا ءبىلۋى كەرەك. تۇنگى كلۋبتارعا بارىپ، قىدىرىپ جۇرەتىندەردى ەركەك دەپ ايتۋعا بولمايدى»، - دەدى رۋسلان جاقسىلىقوۆ.