«دەلتا» دۇنيە جۇزىنە شابۋىل جاساۋدا

بۇرىن-سوڭدى بولماعان COVID-19 دەڭگەيى فرانسيانىڭ مۇحيتتاعى دەپارتامەنتتەرىندە بايقالدى.

COVID-19 تارالۋىنا جول بەرمەۋ جونىندەگى ۆاك-تىڭ تەلەگرام كانالىنىڭ مالىمەتىنشە، گۆادەلۋپا مەن مارتينيكادا رەانيماسيا بولىمشەلەرىندە ورىن جوق. بيلىك تۋريستەردەن ارالداردان كەتۋدى سۇرايدى، دەپ حابارلايدى Almaty-akshamy.kz

فينليانديادا پاندەميا باستالعاننان بەرى ەڭ جوعارى اۋرۋدىڭ تاۋلىكتىك ماكسيمۋمى تىركەلەدى. ناۋقاستاردىڭ 90% «دەلتا» شتامىن جۇقتىرعان. نەگىزىنەن ۆاكسينالانباعان 20-30 جاس ارالىعىنداعى ازاماتتار اۋىرعان.

سونداي-اق، اۆستريادا ۆاكسيناسيا پروسەسى سەنت-ستەپاننىڭ سوبورىنداعى ورگاننىڭ سۇيەمەلدەۋىمەن ءوتتى. مەديسينا قىزمەتكەرلەرىنىڭ ايتۋىنشا، ولار تۇرعىنداردىڭ مۇنداي كوپ كولەمىنىڭ ۆاكسينا الۋعا كەلۋىن كۇتپەگەن.

وڭتۇستىك كورەيادا اۋرۋدىڭ كۇرت ءوسۋى تىركەلدى. كۇنىنە 2000-نان استام ۆيرۋس جۇقتىرعان تۇرعىن تىركەلۋدە، بۇل پاندەميا باستالعاننان بەرى ەلدەگى ەڭ جوعارى كورسەتكىش. دارىگەرلەر بۇل كورسەتكىشتەر دەمالىس كۇندەرىنەن كەيىن كۇرت ارتادى دەپ قاۋىپتەنەدى – جەكسەنبىدە ەل  تاۋەلسىزدىك كۇنىن اتاپ وتەدى.

كوسوۆو بيلىگى ءبىر كۇندە انىقتالعان كوروناۆيرۋس تاسىمالداۋشىلارىنىڭ رەكوردىن جاريالادى. ۇلتتىق دەنساۋلىق ساقتاۋ ينستيتۋتى 1009 جاعداي تۋرالى اقپار بەردى. كوبىسى «دەلتا» شتامىمەن اۋىرعان. رەسمي مالىمەتتەرگە سايكەس، كوسوۆودا پاندەميا باستالعاننان بەرى ينفەكسيانىڭ 112 653 جاعدايى انىقتالدى، 2 273 ادام COVID-19 اسقىنۋىنان قايتىس بولدى. كوسوۆو تۇرعىندارى Pfizer جانە AstraZeneca ۆاكسينالارىنا قول جەتكىزە الادى.