پاريج قالاسىندا «قازاقستان كامەراتاسى» كلاسسيكالىق مۋزىكا ءانسامبلى فرانسۋز كورەرمەندەرىنە «كوشپەندىلەر اۋەندەرى» باعدارلاماسىن ۇسىندى، دەپ حابارلايدى aqshamnews.kz.
كونسەرت باگاتەل ساياباعىنداعى جىلىجايدا ۇيىمداستىرىلدى. پاريج جۇرتشىلىعى مۋزىكانتتاردىڭ ورىنداۋشىلىق دەڭگەيىن جوعارى باعالادى. انسامبل قازاقستاندىق جانە تۇركى كومپوزيتورلارىنىڭ شىعارمالارىن ورىندادى.
كونسەرت باعدارلاماسىندا اباي قۇنانباي ۇلى، قۇرمانعازى ساعىرباي ۇلى، ۆلاديمير ستريگوسكيي-پاك، الماس سەركەبايەۆ جانە حابيبۋللا سەتەكوۆتىڭ تۋىندىلارى بولدى. ءىس-شارانى پاريج بوتانيكالىق باعىنىڭ كۋراتورى مەن پاريج مەرياسى ۇيىمداستىردى.
سونىمەن قاتار، باگاتەل بوتانيكالىق باعىنىڭ 10 جىلدىق مەرەيتويىنا وراي بوتانيكا جانە فيتوينترودۋكسيا ينستيتۋتىندا وسىرىلگەن قازاقستان وسىمدىكتەرىنىڭ ۇلگىلەرى سىيعا تارتىلدى.