ءونىمنىڭ العاشقى پارتياسى شاعىن زاۋىتتا شىعارىلدى.
قازاقستاننىڭ عالىمدارى سپورتشىلارعا ارنالعان بىرەگەي قوسپانى شىعاردى، دەپ حابارلايدى aqshamnews.kz قازاقستان عىلىم جانە جوعارى ءبىلىم مينيسترلىگىنە سىلتەمە جاساپ.
جاڭا تاعامدىق قوسپا سپورتشىلارعا عانا ەمەس، زياندى جانە ەرەكشە زياندى ەڭبەك جاعدايىندا جۇمىس ىستەيتىن ادامدارعا ارنالعان.
قوسپانىڭ باستى ەرەكشەلىگى سول، ول جاسۋشالاردى زاقىمدانۋدان قورعاي وتىرىپ، توتىعۋ سترەسسىمەن كۇرەسۋگە كومەكتەسەدى. سونداي-اق، جاسقا بايلانىستى شىعاتىن اۋرۋلاردى باسەڭدەتۋگە جانە قورشاعان ورتانىڭ جاعىمسىز اسەرلەرىمەن كۇرەسۋگە، ادامنىڭ فيزيكالىق جانە پسيحيكالىق ونىمدىلىگىن ارتتىرۋعا ىقپال ەتەدى.
"بارلىق ءونىم قازاق تاعامتانۋ اكادەمياسىندا مىندەتتى ساراپتامادان ءوتىپ، ارنايى ديەتالىق ءونىم رەتىندە تىركەلدى. جوبا بويىنشا جۇمىس ازىرلەۋ، تەستىلەۋ جانە سەرتيفيكاتتاۋ كەزەڭدەرىن قوسا العاندا ءۇش جىلعا جۋىق ۋاقىتتى الدى"، - دەيدى جوبا جەتەكشىسى سەرعازى شىڭعىس.
"Hormesis Oxy" جالپى اتاۋىمەن ءۇش ءونىم (كاسىبي سپورتشىلارعا، ەرەسەك جاستاعى ادامدارعا جانە سپورتپەن تۇراقتى ەمەس اينالىساتىندارعا ارنالعان) سەرياسى ازىرلەندى. بولاشاقتا حالىقارالىق نارىققا شىعۋ ارقىلى ءوندىرىس پەن ءونىم تۇرلەرىن كەڭەيتۋ جوسپارلانىپ وتىر.
"ونىمدەردە پوليفەنولداردىڭ بىرەگەي قوسپاسى – نەگىزىنەن وسىمدىك تەكتەس بيولوگيالىق بەلسەندى قوسىلىستار، گەل ءتۇزۋشى اگەنتتەر، سونداي-اق اداپتاگەندەر مەن اكتوپروتەكتورلاردىڭ ءشوپ سىعىندىلارى بار. ءبىز تاتتىلەندىرگىشتەر مەن كالوريالىق تولتىرعىشتاردى الماستىراتىن پرەبيوتيكالىق جانە ديەتالىق تالشىق بولىپ تابىلاتىن پوليدەكستروزانى قولدانامىز. سوندىقتان قانت ديابەتىمەن اۋىراتىن ادامدار دا پايدالانا الادى"، - دەپ اتاپ كورسەتتى عالىم.