الماتى قالاسى ءبىلىم باسقارماسىنا قاراستى «كولىك جانە كوممۋنيكاسيا كوللەدجىندە» قالالىق سەمينار ءوتتى. سەمينارعا قالاداعى كوللەدجدەردىڭ ارنايى ءپان وقىتۋشىلارى قاتىستى.
سەمينار شەتەلدىك تاجىريبەنى قولدانۋ تۋرالى بولدى. الماتى قالاسىنىڭ ءبىلىم باسقارماسى مەن اكىمدىگىنىڭ قولداۋىمەن الماتى كولىك جانە كوممۋنيكاسيا كوللەدجىنىڭ ارنايى ءپان وقىتۋشىلارى مەن شەبەرلەرى 2023 جىلدىڭ قىركۇيەك-قازان ايلارىندا فينليانديا ەلىندە تاعىلىمدامادان ءوتتى.
تاعىلىمداما قورىتىندىسى بويىنشا، «اۆتوماتتاندىرۋ جانە تەلەمەحانيكا» جانە «تەمىر جولداردىڭ ەلەكتر جۇيەلەرىن ەلەكترمەن جابدىقتاۋ» ماماندىقتارى بويىنشا وقىتۋشىلار فينليانديانىڭ ءبىلىم بەرۋ جۇيەسىنىڭ ەلەمەنتتەرىن ءوز وقۋ ۇردىسىنە ەنگىزۋدى باستادى. ولار تەوريالىق بىلىمدەرىن تالداپ، پراكتيكالىق داعدىلاردى دامىتتى، بۇل باسەكەگە قابىلەتتى مامانداردى دايارلاۋعا مۇمكىندىك بەردى. وقىتۋشىلار فينليانديادان جيناقتاعان ومىرلىك تاجىريبەلەرىن، ونىڭ ىشىندە مۇعالىمدەر مەن ستۋدەنتتەر اراسىنداعى پسيحولوگيالىق قارىم-قاتىناستى، ءبىلىم بەرۋ سالاسىنداعى ادىستەردى قولدانۋدا.
سەميناردى امكك ديرەكتورى ماگازوۆ ە. مەن الماتى قالاسى ءبىلىم باسقارماسىنىڭ ادىسكەرى دايىرمانوۆا د. قۇتتىقتاۋ سوزبەن اشىپ بەردى.
سەميناردا نۇرجانوۆا گ. جانە گابدراحيم ا. «ارنايى پاندەردى جۇرگىزۋدە، ديپلومدىق جانە تاجىريبەلىك جۇمىستاردى ورىنداۋدا جوبانى جۇزەگە اسىرۋ» تاقىرىبىنا توقتالدى. ورازباي م. ستۋدەنتتەردىڭ جوبالارعا كوزقاراسىن «جوبانىڭ ناتيجەسى بويىنشا ستۋدەنتتەردىڭ كوزقاراسى» تاقىرىبىندا باياندادى. تەمىربەكوۆا ر. «جوباعا قاجەتتى رەسۋرستار مەن ونىڭ دامۋ پەرسپەكتيۆالارى» تۋرالى ايتىپ ءوتتى. ال ساليموۆا س. «جوبا بويىنشا جاسالعان ادىستەمەلىك جۇمىستاردى» تانىستىردى. بايانوۆ ج. «ەلەكتر مونتاجدىق جۇمىستاردى كوللەدج شەبەرحاناسىندا جۇزەگە اسىرۋ» بويىنشا ساباقتاردى كورسەتتى.
سەمينار سوڭىندا قاتىسۋشىلار ءوز پىكىرلەرىمەن ءبولىسىپ، سەميناردىڭ جوعارى دەڭگەيدە وتكەنىنە ريزاشىلىقتارىن ءبىلدىرىپ، جاقسى كوڭىل-كۇيمەن تارقاستى.