پاريج قالاسىنىڭ ورتالىعىندا بولعان جارىلىس سالدارىنان كەم دەگەندە 37 ادام زارداپ شەكتى. تاعى ءتورت ادام اۋىر حالدە جاتىر، دەپ حابارلايدى Euronews
اگەنتتىكتىڭ حابارلاۋىنشا، ۇيىندىلەر استىندا تاعى ەكى ادام قالۋى مۇمكىن.
وقيعا فرانسيا استاناسىنىڭ بەسىنشى اۋدانىندا، ليۋكسەمبۋرگ ساياباعى مەن پانتەونعا جاقىن جەردە ورنالاسقان پاريجدەگى امەريكا اكادەمياسىنىڭ عيماراتىندا بولدى.
الدىن الا بولجام بويىنشا، عيمارات ىشىندە گاز جارىلىپ، قاسبەتى جولعا قۇلادى. جاقىن ماڭداعى ۇيلەردىڭ تۇرعىندارى ەۆاكۋاسيالاندى.
وقيعا ورنىنا ەكى جۇزدەن استام ءورت ءسوندىرۋشى، قۇتقارۋ قىزمەتتەرى، سونداي-اق پاريج مەرى انن يدالگو كەلدى.
پروكۋراتۋرا جارىلىس سەبەبىنىڭ ەكى نۇسقاسىن تەرگەۋ ۇستىندە – «قاۋىپسىزدىك ەرەجەلەرىن بۇزۋ» جانە «ادامداردىڭ سالاقتىعى». بۇل تۋرالى بريفينگتە پاريج پروكۋرورى لور بەكيۋو مالىمدەدى.