پاريج پروكۋراتۋراسى پاۆەل دۋروۆتىڭ قاماۋعا الىنۋىنا قاتىستى العاش رەت رەسمي مالىمدەمە جاسادى.
جاريا ەتىلگەن قۇجاتتا كاسىپكەردىڭ "ەسىمى اتالماعان تۇلعاعا" قارسى قوزعالعان قىلمىستىق ءىس اياسىندا تۇتقىندالعانىن ايتادى.
بۇل ءىس بويىنشا تەلەگرام باسشىسى 12 ءتۇرلى قىلمىسقا قاتىستى كۇدىككە ىلىنگەن، دەپ حابارلايدى aqshamnews.kz.
24.kzء-تىڭ حاباراۋىنشا، سولاردىڭ ىشىندە اقشا جىمقىرۋ، ليسەنزياسىز كريپتوۆاليۋتالىق قىزمەت كورسەتۋ، كيبەرقىلمىسقا قاتىسۋ، تەرگەۋگە قاجەتتى اقپارات بەرۋدەن باس تارتۋ بار. "ەسىمى اتالماعان تۇلعاعا" قارسى ءىس وسىدان ءبىر جارىم اي بۇرىن قوزعالعان ەكەن.
ەستەرىڭىزگە سالا كەتەيىك، Telegram الەۋمەتتىك جەلىسىنىڭ نەگىزىن قالاۋشى پاۆەل دۋروۆ 24 تامىزدا ءپاريجدىڭ لە بۋرجە اۋەجايىنا جەكە ۇشاعىمەن قونعان ساتتە قاماۋعا الىنعان ەدى.
جانىندا بولعان وققاعارى مەن كومەكشىسى جاۋاپ الۋدان كەيىن بوساتىلعان. دۋروۆتىڭ وزىنەن دە جاۋاپ الىنعان. ەندى جەرگىلىكتى زاڭ بويىنشا ول 28 تامىزعا دەيىن قاماۋدا بولۋى كەرەك. وسىدان كەيىن الەمدە "بۇل وقيعا ءسوز بوستاندىعىن شەكتەۋ" دەگەن ءتۇرلى مالىمدەمەلەر جاسالۋدا.