الماتىدا ساراپشىلار شامادان تىس اۆتوكولىكتى ازايتۋ شارالارىن تالقىلادى، دەپ حابارلايدى almaty-akshamy.kz
الماتىدا «ارتىق كولىكتىڭ ابىگەرى: جاڭا شەشىمدەر ىزدەۋ» تاقىرىبىندا دوڭگەلەك ۇستەل ءوتتى. ءىس-شاراعا ميلان مەن ماسكەۋ قالالارىنىڭ ساراپشىلارى قاتىستى. الماتىنىڭ دامۋ ورتالىعى جانىنداعى جوبالىق ءوفيستىڭ «كولىك جۇيەسىن دامىتۋ» توبىنىڭ باسشىسى سوڭعى ەكى جىلدا قالادا تىركەلگەن اۆتوكولىكتەر سانىنىڭ 24%-عا وسكەنىن، ال 2030 جىلعا قاراي بۇل كورسەتكىش 40%-عا جەتۋى مۇمكىن ەكەنىن اتاپ ءوتتى.
«بۇگىنگى تاڭدا اۆتوكولىك اۋانىڭ لاستانۋىنىڭ نەگىزگى كوزى بولىپ تابىلادى. ەگەر ءبىز قالادا تۇرۋدىڭ جايلىلىعىن قالاساق، جەكە اۆتوكولىكتەردىڭ سانىن ازايتۋ قاجەت. الماتىدا 2030 جىلعا دەيىن قوعامدىق كولىكپەن ءجۇرۋ سانىن 64%-عا ۇلعايتۋ جانە اقىلى تۇراق ايماعىن كەڭەيتۋ جونىندەگى شارالاردى قامتيتىن كولىك قاڭقاسىنىڭ شەبەرلىك جوسپارى قابىلداندى»، - دەدى سپيكەر.
كولىكتى دامىتۋ سالاسىنداعى تاۋەلسىز ساراپشى ەلەنا ەرزاكوۆيچتىڭ پىكىرىنشە، اقىلى تۇراقتار مەن ەكولوگيا اراسىنداعى بايلانىستى تەك قاراپايىم ازاماتتارعا عانا ەمەس، شەشىم قابىلدايتىن ساياساتكەرلەرگە دە ءتۇسىندىرۋ قاجەت.
«اقىلى اۆتوتۇراق ايماقتارىنىڭ سانى ارتقاننان كەيىن ونىڭ قۇنى ارتادى، قالادا كولىكتەر ازايادى جانە اۋا ساپاسى جاقسارادى. بۇل ادامداردىڭ مىنەز-قۇلىق ادەتتەرىن وزگەرتەدى، ولار جەكە كولىكپەن ءجۇرۋ كەرەك پە، ەگەر قاجەت بولسا، قىسقا مەرزىمگە بارۋ كەرەك پە دەپ ويلانادى. ياعني، قاراپايىم تىلمەن ايتقاندا، اۆتوموبيلدەردىڭ سانىن ازايتۋ قاجەت»، - دەدى ەلەنا ەرزاكوۆيچ.
ميلان قالاسىنىڭ كولىك جۇيەسىنىڭ تۇراقتى جوسپارى بويىنشا ساراپشىلار كەڭەسىنىڭ مۇشەسى فەدەريكو پارولوتتو ترافيكتى باقىلاۋدىڭ جاڭا ادىستەرىن ازىرلەۋدىڭ قاجەتى جوق دەپ سانايدى. پاريج، لوندون، ميلان سياقتى قالالاردىڭ تاجىريبەسى ءوزىنىڭ تيىمدىلىگىن كورسەتتى.
«بۇل اقىلى اۆتوتۇراق ايماعىن كەڭەيتۋ، بەلگىلى ءبىر اۋداندارعا كولىكتىڭ كىرۋىنە شەكتەۋلەر ەنگىزۋ، ەلەكتروموبيلدەرگە جەڭىلدىكتەر جانە ت.ب. ماشينانىڭ كوپتەگەن پروبلەمالار تۋدىراتىنىن ءتۇسىنۋ ماڭىزدى، بۇل جانارماي قۇيۋ، جۋۋ، تەحنيكالىق قىزمەت كورسەتۋ جانە ەڭ باستىسى، ول ۇلكەن كولەمدەگى قوعامدىق كەڭىستىكتى الادى. سوندىقتان قانشا جول سالىنسا دا، كەپتەلىس ماسەلەسىن شەشۋ مۇمكىن ەمەس. شىعۋدىڭ جالعىز جولى – قاتاڭ شەكتەۋلەر مەن قوعامدىق كولىكتى دامىتۋ»، - دەپ اتاپ ءوتتى شەتەلدىك ساراپشى.
تانىمال ۋربانيست اركاديي گەرشمان ستوكگولمنىڭ مىسالىن كەلتىردى، وندا اقىلى جول ءجۇرۋ اقىسى جانە تۇراق قۇنى جوعارى.
«باستاپقىدا قالا تۇرعىندارى قارسى بولدى، ءبىراق بۇل شارالاردىڭ تيىمدىلىگىن سەزىنگەندە، كوپشىلىگى ءوز ويلارىن وزگەرتتى. ءوز قالاڭىزدا كۇن سايىن 10 بالدىق كەپتەلىستەردى كورۋ قالىپتى جاعداي ەمەس. سوندىقتان جەكە اۆتوكولىكتەرگە شەكتەۋلەر ەنگىزۋ، قوعامدىق كولىكتى دامىتۋ، ۆەلوسيپەد جولاقتارىن قۇرۋ ءارقاشان وڭ ناتيجە بەرەدى»، - دەدى ۋربانيست.
ماسكەۋدەن كەلگەن كولىك ساراپشىسى سەرگەي اندرەيكين اقىلى اۆتوتۇراقتار قالانىڭ قاجەتتىلىكتەرىنە قاراجات جيناۋ ءۇشىن ەمەس، ورىننىڭ اينالىمىن ارتتىرۋ ءۇشىن ەنگىزىلەتىنىن اتاپ ءوتتى.
«كەزبە ترافيكتى ازايتۋ جانە كولىك سانىن رەتتەۋ ءۇشىن اۆتوتۇراقتار ورتالىقتا كوپ بولۋى ءارى قۇنى قىمبات بولۋى ءتيىس. مىسالى، الماتىدا تاريف وتە تومەن. ارينە، جاقىن ماڭداعى ۇيلەردىڭ تۇرعىندارى ءۇشىن رەزيدەنتتىك ابونەمەنتتەر قاراستىرىلۋى كەرەك، ءبىراق ولاردىڭ سانى دا شەكتى بولعانى ءجون»، - دەدى سەرگەي اندرەيكين.
دوڭگەلەك ۇستەلگە قاتىسۋشىلار الماتى ەرتە مە، كەش پە قىمبات اۆتوتۇراق تاريفىنە جانە جەكە كولىكتەر ءۇشىن باسقا دا شەكتەۋلەرگە قول جەتكىزەدى، ءبىراق مۇنىڭ ءبارى قوعامدىق كولىكتىڭ بەلسەندى دامۋىمەن قاتار ءجۇرۋى ءتيىس دەگەن قورىتىندى جاسادى.