ءتىلسىز جاۋمەن كۇرەسكە ەل بويىنشا 50 مىڭ ادام مەن 10 مىڭنان استام تەحنيكا دايىن تۇر.
بىلتىر 33 ورمان ءورتى تىركەلدى. دالا ورتىنە كىنالى دەپ تانىلعان 920 ادام اكىمشىلىك جاۋاپكەرشىلىككە تارتىلدى. بيىل ماماندار الدىن الا قام جاساۋعا كىرىستى، دەپ حابارلايدى Almaty-akshamy.kz
اەروۆيزۋالدى بارلاۋ ءۇشىن 120 درونمەن قامتىلعان. مۇنى توتەنشەلىكتەر بۇگىنگى وتكەن بريفينگتە بايان ەتتى. ەل اۋماعىندا ورتكە قارسى قۇرىلىمدارمەن 241 ەرىكتى جاساقتالىپ، 720 ءورت ءسوندىرۋ بەكەتى قۇرىلعان. ورمان كۇزەتىنىڭ 1 مىڭ 300 قىزمەتكەرى، ءبىلىمىن جەتىلدىرىپ، 175 ورت-تاكتيكالىق وقۋ-جاتتىعۋى وتكىزىلگەن.
مارعۇلان امانبايەۆ، تجم ورتكە قارسى قىزمەت كوميتەتى ءتوراعاسىنىڭ ورىنباسارى:
قازاۆياقۇتقارۋ اۆياسياسىنىڭ 19 بورتى تۇراقتى دايىندىق رەجيمىندە تۇر، ونىڭ 9-ى سۋ توگەتىن قۇرىلعىلارمەن جابدىقتالعان. وتكەن جىلى سۋ توگەتىن قۇرىلعىلارى بار تجم بورتى 14 تابيعي ءورتتى سوندىرۋگە قاتىستى، جالپى ماسساسى 5 700 توننا سۋ بولاتىن. 1 900-دان استام سيكل ورىندالدى.