پاراسەتامولدىڭ ولىمگە اكەلەتىن قاۋىپتىلىگى انىقتالدى

بۇل - ەدينبۋرگ ۋنيۆەرسيتەتى ماماندارىنىڭ زەرتتەۋ دەرەكتەرى.

پاراسەتامولدى ۇزاق تۇتىنۋ جۇرەك اۋرۋى مەن ءينسۋلتتى تۋدىرادى، دەپ حابارلايدى Almaty-akshamy.kz ريا نوۆوستي سايتىنا سىلتەمە جاساپ.

زەرتتەۋگە قان قىسىمى جوعارى 110 ەرىكتى ادام قاتىستى. ەكى اپتا بويى ولاردىڭ كەيبىرەۋلەرى كۇنىنە ءتورت رەت پاراسەتامول قابىلداعان، ال باسقالارى پلاسەبو قابىلداعان. پاسيەنتتەر ەمدەۋدىڭ ەكى ءتۇرىن دە كوزدەرى بايلانعان كۇيدە جانە كەزدەيسوق تاڭداپ العان.

سونىمەن قاتار، زەرتتەۋگە قاتىسۋشىلاردىڭ ۇشتەن ەكىسى گيپەرتونياعا قارسى پرەپاراتتار دا ىشكەن. ناتيجەسىندە، زەرتتەۋگە قاتىسۋشىلاردىڭ قان قىسىمىنىڭ ورتاشا ەسەپپەن العانداعى كورسەتكىشىنىڭ جوعارىلاعانى انىقتالدى.

ساراپشىلاردىڭ پىكىرىنشە، پاراسەتامولدى ۇنەمى قولدانۋ جۇرەك اۋرۋى نەمەسە ينسۋلت ءقاۋپىن شامامەن 20 پايىزعا ارتتىرادى دەپ كۇتۋگە بولادى. اتالعان پرەپاراتتى قابىلداۋدى توقتاتقاننان كەيىن قاتىسۋشىلاردىڭ قان قىسىمى زەرتتەۋدىڭ باسىندا بولعان دەڭگەيىنە قايتىپ كەلگەن.

بۇعان دەيىن پاراسەتامولدىڭ باۋىر اۋرۋىن كۇشەيتەتىنى بەلگىلى بولدى. سونىمەن قاتار، پرەپارات تەرىنىڭ قىزارىپ قىشۋى، ءىسىنۋى، بورتپەلەر شىعىپ، قابىرشاقتانىپ، اللەرگيا تۋدىرۋى دا مۇمكىن.

پاراسەتامول، سونداي-اق اسەتامينوفەن رەتىندە دە بەلگىلى، ول ىستىقتى تۇسرۋگە، جەڭىل جانە ورتاشا اۋىرسىنۋدى باسۋعا كەڭىنەن قولدانىلادى. ول ورتالىق جۇيكە جۇيەسىندەگى سيكلووكسيگەنازدى بلوكتايدى، اۋىرسىنۋ مەن تەرمورەگۋلياسيا ورتالىقتارىنا اسەر ەتەدى. ءىس جۇزىندە قابىنۋعا قارسى اسەرى جوق.

پاراسەتامول دۇنيەجۇزىلىك دەنساۋلىق ساقتاۋ ۇيىمىنىڭ ماڭىزدى دارى-دارمەكتەر تىزىمىنە ەنگىزىلگەن.