الماتى سيركىنە قالپىنا كەلتىرۋ جۇمىستارى جۇرگىزىلەدى.
بۇل تۋرالى الماتى قالاسىنىڭ مادەنيەت باسقارماسىنان ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قالالىق مادەنيەت باسقارماسىنان حابارلاعانداي، قازاق مەملەكەتتىك سيركىنىڭ عيماراتىندا جوندەۋ جۇمىسى جۇرگەنمەن، ارتىستەردىڭ جۇمىس ورنى ساقتالادى.
«قالپىنا كەلتىرۋ جۇمىسى بارىسىندا عيماراتتىڭ باستاپقى كەلبەتى، ديزاينى مەن سىرتقى قۇرىلىمى وزگەرىسسىز قالادى. سونداي-اق، ونىڭ بارىسىندا سيركتىڭ بۇكىل ونەر ۇجىمى رەسپۋبليكادا، سونداي-اق جاقىن جانە الىس شەتەلدەردە گاسترولدىك ساپاردا بولادى. جوندەنۋ جۇمىسى كەزىندە، قازاقستاننىڭ ەڭبەك زاڭناماسىنا سايكەس، ارتىستەردىڭ جۇمىس ورنى ساقتالادى»، - دەلىنگەن مادەنيەت باسقارماسىنىڭ حابارلاماسىندا.
ايتا كەتەيىك، الماتى سيركى دىنمۇحامەد قونايەۆتىڭ باستاماسىمەن 1979 جىلى سالىندى. ساۋلەتشىسى ۆلاديمير كاسيەۆ بولدى. 2003-2006 جىلدارى سيرك العاش رەت كۇردەلى جوندەۋدەن ءوتتى. سيرك عيماراتى قالا قۇرىلىسى جانە ساۋلەت ەسكەرتكىشى رەتىندە جەرگىلىكتى ماڭىزى بار تاريح جانە مادەنيەت ەسكەرتكىشتەرىنىڭ تىزىمىنە ەنگەن.