پاراسات نۇرعالييەۆ رەكوردتار كىتابىنا كىردى

اتىراۋدىڭ الىبى تۋرالى بۇرىن دا جازعانبىز.

ول – قازاقستانداعى ەڭ ۇزىن ادام، دەپ حابارلايدى Almaty-akshamy.kz

اzh.kz پورتالى اتىراۋ وبلىسىنىڭ يندەر اۋدانىندا تۇراتىن ەلىمىزدەگى ەڭ ۇزىن ادام پاراسات نۇرعالييەۆتىڭ قازاقستاننىڭ رەكوردتار كىتابىنا "ەلدەگى ەڭ ۇزىن ادام" رەتىندە كىرگەنىن جازدى.

قازاقستاننىڭ رەكوردتار كىتابىنىڭ رەسمي وكىلى قۋاندىق قۇدايبەرگەنوۆتىڭ ايتۋىنشا، پاراسات الپاۋىتتىڭ رەسمي مارتەبەسىنەن بولەك، ەلىمىزدەگى ەڭ ۇلكەن اياقتىڭ دا يەسى: ونىڭ اياقكيىمىنىڭ ولشەمى – 56. پاراسات نۇرعالييەۆتىڭ بويى – 218،5 سانتيمەتر، سالماعى – 150 كەلى.

الىپ جىگىت دەنە بىتىمىندەگى وزگەرىستى مەكتەپتە جۇرگەن كەزدە بايقاعانىن ايتتى.

«باسقا بالالار سياقتى بولعانىممەن، 6-سىنىپتا وقىپ جۇرگەندە دەنەمدەگى ەرەكشەلىكتى بايقاي باستادىم. ءبىرتۇرلى سۇيەكتەرىم وسە باستاعانداي سەزىلىپ، اياقتارىم ۇيىپ، تۇسىنىكسىز سەزىمدە بولدىم. كيىمدەرىم كىشكەنتاي بولا باستادى، بويىم تەز ءوسىپ، اياعىم ۇلكەيىپ كەتتى. 9-10-شى سىنىپ وقىپ جۇرگەنىمدە، اياق كيىم تابۋ پروبلەما بولدى. سەبەبى اياق كيىم ولشەمى 50-گە جەتتى. ال ونداي اياقكيىم تابۋ وتە قيىنعا سوقتى. مەكتەپتى بىتىرەردە سالماعىم 120 كيلوگرامم، ال بويىم 2 مەترگە جەتتى»، - دەيدى پاراسات.