قالا اكىمىنىڭ ورىنباسارى اسقار ءامريننىڭ الماتى قالاسى ءماسليحاتىنىڭ VIII شاقىرىلىمىنىڭ كەزەكتەن تىس II سەسسياسىندا سويلەگەن سوزىنەن:
سىزدەردى دەپۋتاتتىق مانداتقا يە بولۋلارىڭىزبەن قۇتتىقتايمىن.
قالا تۇرعىندارىنىڭ كۇندەلىكتى ماسەلەلەرىن شەشۋدىڭ ساپاسى سىزدەرگە بايلانىستى.
جەرگىلىكتى ەرەكشەلىكتەردى ءبىلىپ، تۇرعىندارمەن قارىم-قاتىناس جاساپ، ءوز بىلىمدەرىڭىزدى قولدانۋ ارقىلى ءبىزدىڭ مەگاپوليستىڭ دامۋىنا ايتارلىقتاي ۇلەس قوساسىزدار.
سونداي-اق، بيۋدجەتتى قالىپتاستىرۋعا قاتىسقاندارىڭىز ءۇشىن العىس ايتقىم كەلەدى. ءبىز بىرلەسىپ، بيۋدجەتتى ناقتىلاۋدىڭ تەڭگەرىمدى جوباسىن جاسادىق.
ءبىزدىڭ بىرلەسكەن جۇمىسىمىزدىڭ جەمىستى بولاتىنىنا سەنىمدىمىن. قالا تۇرعىندارى مەگاپوليس اۋماعىندا جايلى ءومىر سۇرەتىن بولادى.
سىزدەردىڭ قاراۋىڭىزعا ەنگىزىلەتىن بيۋدجەتتى ناقتىلاۋ جوباسىندا الەۋمەتتىك-ەكونوميكالىق دامۋ بولجامىنىڭ نەگىزگى پارامەترلەرى ەسكەرىلگەن.
بۇگىنگى تاڭدا وتكىزىلگەن ساتىپ الۋ راسىمدەرىنەن ۇنەمدەلگەن قاراجاتتىڭ، سونداي-اق سالىقتىق جانە سالىقتىق ەمەس تۇسىمدەردىڭ ءوسۋىنىڭ ارقاسىندا قالا ەكونوميكاسىنا قوسىمشا ينۆەستيسيالار سالۋعا مۇمكىندىك بار.
جالپى، بيۋدجەتتى ناقتىلاۋ بيۋدجەتتىڭ 74،6 ملرد تەڭگەگە قوسىمشا كىرىستەرىن قالىپتاستىرۋ ەسەبىنەن جۇرگىزىلەدى:
- وتكەن جىلدان قالعان بوس قالدىقتاردى پايدالانۋ 183،1 ملرد. تەڭگە؛
بيۋدجەتتىك باعدارلامالار اكىمشىلەرى اراسىندا 7،7 ملرد.تەڭگە سوماسىندا بيۋدجەت قاراجاتىن ىشكى قايتا ءبولۋ (مت ۇنەمدەۋ – 190،1 ملن. تەڭگە، الۋ – 7،6 ملرد. تەڭگە).
اتالعان قاراجات قالانىڭ تىرشىلىگىن قامتاماسىز ەتۋدىڭ قىزمەت اتقارۋىنا جانە قالا تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالاتىن بولادى.
جالپى، الەۋمەتتىك سالاعا 2023 جىلعى بيۋدجەت شىعىستارىنىڭ شامامەن 30،4%-ى جۇمسالادى، بۇل شامامەن 79 ملرد تەڭگە
ءبىلىم بەرۋ سالاسىنا 24،9 ملرد. تەڭگە قاراستىرىلعان.
«سايالى-2» شاعىناۋدانىندا 550 ورىندىق مەكتەپ قۇرىلىسىن جالعاستىرۋعا جانە 59 مەكتەپ-گيمنازيا عيماراتىن قايتا جاڭارتۋعا 2 ملرد. تەڭگە قاراستىرىلعان.
بالاباقشالارداعى ورىن تاپشىلىعىن ازايتۋ ماقساتىندا "اقجار"، "التىن بەسىك"، "جاس قانات" شاعىناۋداندارىندا 3 بالاباقشا سالۋعا 764،3 ملن. تەڭگە بولىنەدى. بۇل 700-گە جۋىق بالانى قامتۋعا مۇمكىندىك بەرەدى.
الاتاۋ جانە ناۋرىزباي اۋداندارىندا 2 يننوۆاسيالىق شىعارماشىلىق ورتالىقتىڭ قۇرىلىسى اياقتالۋدا. وسى ماقساتتارعا جەرگىلىكتى بيۋدجەتتەن 4 ملرد. تەڭگە بولىنۋدە.
9 الەۋمەتتىك نىسان بويىنشا (5 مەكتەپ، 2 بالاباقشا، 1 يننوۆاسيالىق شىعارماشىلىق ورتالىق جانە 1 كوللەدج جاتاقحاناسى) جوبالاۋ-سمەتالىق قۇجاتتامانى ازىرلەۋگە 406،7 ملن. تەڭگە قاراستىرىلعان.
اۋەزوۆ، بوستاندىق جانە مەدەۋ اۋداندارىندا 4 مەكتەپتە جانە 2 بالاباقشادا سەيسميكالىق كۇشەيتۋ جۇمىستارى ءجۇرىپ جاتىر. وعان 3،3 ملرد. تەڭگە بولىنەدى.
دەنساۋلىق ساقتاۋ سالاسىنا 8،4 ملرد. تەڭگە قاراستىرىلعان.
سيرەك كەزدەسەتىن (ورفاندىق) اۋرۋلاردىڭ 3 ءتۇرى بويىنشا 11 پاسيەنتتى تەگىن دارىلىك زاتتارمەن قامتاماسىز ەتۋ ءۇشىن 547 ملرد تەڭگە كوزدەلگەن.
قىلمىستىق-اتقارۋ جۇيەسى مەكەمەلەرىندە ۇستالاتىن ادامدارعا مەديسينالىق كومەك كورسەتۋگە 230 ملن. تەڭگە كوزدەلەدى
جەتىسۋ اۋدانىندا جالپى سوماسى 1،5 ملرد. تەڭگەگە 3 جاڭا ەمحانانى ودان ءارى جابدىقتالۋىنا قۇرىلىس–مونتاجداۋ جۇمىستارىن جۇرگىزۋ كوزدەلۋدە.
14 دەنساۋلىق ساقتاۋ ۇيىمىندا جالپى سوماسى 1 ملرد. تەڭگەگە جاڭا ليفت ساتىپ الۋ جانە قولدانىستاعى ليفت جابدىعىن اۋىستىرۋ جوسپارلانعان.
№7 قالالىق اۋرۋحانا ءۇشىن ماگنيتتى-رەزونانستىق توموگراف جابدىقتارىن ساتىپ الۋعا جالپى سوماسى 1،6 ملرد تەڭگەگە قاراجات بولىنەدى.
بالالار شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ بولىمشەسىنىڭ قۇرىلىسى اياقتالۋدا. بۇعان جەرگىلىكتى بيۋدجەتتەن 608،4 ملن. تەڭگە كوزدەلگەن؛
اۋەزوۆ اۋدانىنداعى № 16 قالالىق ەمحانانى سەيسميكالىق كۇشەيتۋ جانە كۇردەلى جوندەۋ جۇمىستارىن جۇرگىزۋگە جانە قالالىق كارديولوگيالىق ورتالىقتى قايتا جاڭارتۋعا 600 ملن. تەڭگە جوسپارلانعان.
سونداي-اق، دەپۋتاتتار كوميسسيالاردا قالالىق كارديولوگيالىق ورتالىق ءۇشىن جالپى سوماسى 145،2 ملن تەڭگەگە انگەوگرافا ساتىپ الۋعا قاراجات قاراستىرۋدى ۇسىندى.
جەدەل جاردەم ورتالىعىنىڭ وپەراسيالىق بلوگى بار قابىلداۋ بولىمشەسىنىڭ قۇرىلىسى اياقتالۋدا، وعان جەرگىلىكتى بيۋدجەتتەن 608،4 ملن تەڭگە قاراستىرىلعان.
سونداي-اق، 8 دەنساۋلىق ساقتاۋ نىسانىن سالۋ بويىنشا جسق ازىرلەۋگە 197،8 ملن تەڭگە سوماسىنا قاراجات كوزدەلگەن.