سولتۇستىك قازاقستان وبلىسىندا سەپاراتيزمدى ناسيحاتتادى دەگەن كۇدىكپەن ۇستالعان ءۇش ادام ەكى ايعا قاماۋعا الىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سولتۇستىك قازاقستان وبلىسىنىڭ پروكۋراتۋراسى 2023 جىلعى 18 ساۋىردە قىلمىستىق كودەكستىڭ 179-بابى 2-بولىگى بويىنشا (قاۋىپسىزدىكتى ىدىراتۋعا ۇگىتتەۋ) جانە 180-بابى 2-بولىگى بويىنشا (قازاقستان رەسپۋبليكاسىنىڭ ءبىرتۇتاستىعى مەن تۇتاستىعىن ىدىراتۋدى ناسيحاتتاۋ نەمەسە وعان جاريا تۇردە بۇقارالىق اقپارات قۇرالدارىن جانە تەلەبايلانىس جەلىلەرىن شاقىرۋمەن ماتەريالداردى تاراتۋ) قاراستىرىلعان قىلمىستىق قۇقىق بۇزۋشىلىق جاساعاندىقتارى ءۇشىن ۇلتتىق قاۋىپسىزدىك كوميتەتىنىڭ سولتۇستىك قازاقستان وبلىسى بويىنشا دەپارتامەنتىنىڭ وكىلدەرى «حالىق كەڭەسىنىڭ» ءۇش مۇشەسى ۇستالعاندىعىن حابارلاعان.
2023 جىلعى 20 ساۋىردە پەتروپاۆل قالاسىنىڭ مامانداندىرىلعان تەرگەۋ سوتىمەن بارلىق ءۇش فيگۋرانتقا قاتىستى مەرزىمى 2 ايعا «قاماۋدا ۇستاۋ تۇرىندە» بۇلتارتپاۋ شاراسى سانكسيالاندى.