قازاقستان سپورتشىلارى پاريج پاراليمپياداسىنا 33 ليسەنزيا الدى.
XVII جازعى پاراليمپيادا ويىندارى 28 تامىز بەن 8 قىركۇيەك ارالىعىندا وتەدى، دەپ حابارلايدى aqshamnews.kz
ەلىمىزدىڭ پارا سپورتشىلارى فرانسيانىڭ پاريج قالاسىندا وتەتىن پاراليمپياداعا سەگىزىنشى مارتە قاتىسادى.
بۇل جەردە ولار سپورتتىڭ پارا ءجۇزۋ، پارا پاۋەرليفتينگ، پارا جەڭىل اتلەتيكا، پارا كانوە، پارا تاەكۆوندو، ۆولەيبولدى وتىرىپ ويناۋ، پارا نىسانا كوزدەۋ، پارا ۇستەل تەننيسى، پارا دزيۋدو تۇرلەرىنەن ب ا ق سىنايدى. جارىسقا بارلىعى 44 سپورتشى قاتىسادى.
10 پارا دزيۋدوشى پاراليمپيادا جۇلدەسى ءۇشىن تاتاميگە شىعادى.
بەرىك ىزماعانبەتوۆ (ۆولەيبولدى وتىرىپ ويناۋ) پەن سيەۆدا الييەۆا (پارا نىسانا كوزدەۋ) تۋ ۇستاپ شىعادى.
پاريجدەگى وليمپياداعى پاراليمپيادا قوس چەمپيونى مەن ەكى جۇلدەگەرى قاتىسادى.ولار: ءزۇلفيا عابيدۋللينا. ول 2016 جىلى ريو پاراليمپياداسىنىڭ چەمپيونى بولعان.
ءزۇلفيا عابيدۋللينا قۇراماداعى ەڭ تاجىريبەلى سپورتشى بولىپ سانالادى. بيىلى ول ءتورتىنشى پاراليمپياداسىنا قاتىسادى.
ەكىنشىسى - توكيو پاراليمپياداسىنىڭ چەمپيونى داۆيد دەگتياريەۆ.
سونىمەن بىرگە توكيو پاراليمپياداسىنىڭ قولا جۇلدەگەرى نۇرداۋلەت جۇماعالي، ريو پاراليمپياداسىنىڭ كۇمىس مەداليسى راۋشان قويشىبايەۆا دا تاعى دا جارىستا كۇش سىناسادى.
بيىلعى دوداعا قازاقستان قۇراماسىنان ءالفيا تىلەكقابىل دەگەن 18 جاستاعى سپورتشى بارا جاتىر. ول قۇراماداعى ەڭ جاس سپورتشى بولىپ وتىر. سپورتشى پارا دزيۋدودان كۇرەسەدى. ال ەڭ جاسى ۇلكەن سپورتشى – ءزۇلفيا عابيدۋللينا. ونىڭ جاسى 59-دا. ول پارا جۇزۋدەن سىنعا تۇسەدى.
پاراليمپيادادا جوعارىدا اتى اتالعان وتانداستارىمىزدىڭ جۇلدە الۋعا كۇش-قايراتى جەتەدى. بىلايشا ايتقاندا تولىق مۇمكىندىگى بار. سونداي-اق، ۆولەيبولدى وتىرىپ ويناۋدان قازاقستان ۇلتتىق قۇراماسىنىڭ جۇلدە الۋدان مۇمكىندىگى دەن جوق ەمەس. ءقازىر ۇلتتىق قۇراما الەمدىك رەيتينگتە 75 ەلدىڭ ىشىندە 6-ورىندا تۇر.
قازاقستان سپورتشىلارى بيىل العاش رەت پارا ۇستەل تەننيسىنەن پاراليمپيادا جولداماسىن جەڭىپ الدى. ەلىمىزدىڭ نامىسىن بۇل سىندا ءالي ماقۇلبەكوۆ قورعايدى.
سونىمەن بىرگە ەل نامىسىن پارا دزيۋدودان ون سپورتشى قورعايتىن بولدى. سونىڭ ىشىندە 73 كەلى سالماقتا تاتاميگە شىعاتىن ەرعالي شامەيدىڭ جۇلدە الۋعا قاۋقارى جەتەدى.