قاتتى جەل تۇرىپ، جاڭبىر جاۋادى.
"قازگيدرومەت" رمك 2024 جىلدىڭ 20 تامىزىندا قازاقستان اۋماعىندا اۋا رايى قانداي بولاتىنىن ايتتى، دەپ حابارلايدى aqshamnews.kz
سينوپتيكتەردىڭ مالىمەتىنشە، سولتۇستىك-باتىس سيكلونىنىڭ اسەرىنەن قازاقستاننىڭ باسىم بولىگىندە اۋا رايىنىڭ تۇراقسىز سيپاتى ساقتالادى.
"نايزاعاي ويناپ، بۇرشاق تۇسەدى، داۋىل تۇرادى، جاڭبىر جاۋادى دەپ كۇتىلەدى. ەلىمىزدىڭ سولتۇستىگىندە، ورتالىعىندا قاتتى جاڭبىر جاۋادى. تەك رەسپۋبليكامىزدىڭ باتىسىندا، وڭتۇستىگىندە، وڭتۇستىك-شىعىسىندا جاۋىن-شاشىنسىز اۋا رايى كۇتىلەدى. رەسپۋبليكا بويىنشا ورتاق تابيعي قۇبىلىس - جەلدىڭ ەكپىن الۋى. ەلىمىزدىڭ سولتۇستىگىندە، سولتۇستىك-باتىسىندا تۇندە جانە تاڭەرتەڭ تۇمان بولادى"، دەلىنگەن "قازگيدرومەت" رمك اقپاراتىندا.
سينوپتيكتەر كۇندىز اتىراۋ وبلىسىندا قاتتى ىستىق بولاتىنىن بولجايدى. اتىراۋ، اباي وبلىستارىندا، ۇلىتاۋ وبلىسىنىڭ سولتۇستىگىندە، شىعىسىندا، باتىس قازاقستان وبلىسىنىڭ ورتالىعىندا، ماڭعىستاۋدىڭ باتىسىندا، وڭتۇستىك-شىعىسىندا، شىعىس قازاقستان وبلىسىنىڭ سولتۇستىك-باتىسىندا ءورت ءقاۋپى جوعارى بولادى.
قىزىلوردا، تۇركىستان، جامبىل وبلىستارىندا، الماتى وبلىسىنىڭ باتىسىندا، سولتۇستىگىندە، ماڭعىستاۋ ءوڭىرىنىڭ سولتۇستىك-باتىسىندا، ورتالىعىندا، اتىراۋ وبلىسىنىڭ وڭتۇستىك-باتىسىندا، وڭتۇستىگىندە، سولتۇستىك-شىعىسىندا، شىعىس قازاقستان وبلىسىنىڭ وڭتۇستىگىندە، ورتالىعىندا، قاراعاندى وبلىسىنىڭ شىعىسىندا، وڭتۇستىگىندە، ۇلىتاۋ وبلىسىنىڭ وڭتۇستىگىندە، اباي وبلىسىنىڭ باتىسىندا، سولتۇستىك-باتىسىندا، وڭتۇستىگىندە، باتىس قازاقستان وبلىسىنىڭ وڭتۇستىگىندە توتەنشە ءورت ءقاۋپى كۇتىلەدى.
بۇعان دەيىن سينوپتيكتەر 2024 جىلى 20-22 تامىز ارالىعىندا رەسپۋبليكالىق ماڭىزى بار قالالاردا اۋا رايى قانداي بولاتىنىن جاريالاعان بولاتىن.