باكۋدە اياقتالعان الەم چەمپيوناتىندا پارادزيۋدوشىلاردىڭ ەرلەر كومانداسى قولا مەدالىن قانجىعاعا بايلادى. قازاقستاندىقتار الەمنىڭ ۇزدىكتەرى برازيليانى 4:2 ەسەبىمەن جەڭىپ، جارتىلاي فينالعا شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
جارتىلاي فينالدا ازەربايجان كومانداسىنا ەسە جىبەرىپ، قولا جۇلدە ءۇشىن كەزدەسۋدە يبسا قۇراما كومانداسىنا ەشقانداي مۇمكىندىك قالدىرمادى.
ولجاس ورازالى ۇلى، تەمىربولات تاشەكەنوۆ، ەرلان كونكييەۆ جانە امانجول جانبوتا ءوز قارسىلاستارىن ەس جيعىزباي يپپون ادىسىمەن تازا جەڭىپ، تاريحىمىزدا العاش رەت كوماندالىق قولا مەدال سىيلادى.
«بۇل جەتىستىك - ەرەن ەڭبەكتىڭ جانە ەلىمىزدەگى سپورتتى قولداۋىنىڭ ناتيجەسى» - دەپ قۇرامانىڭ باس باپكەرى جاندوس قيانوۆ.
ەسكە سالا كەتەيىك، كوماندالىق سايىستا 2019 جىلى قازاقستان قۇراماسى ازيا چەمپيونى اتانعان بولاتىن.
سونىمەن قاتار IBSA ۇلتتىق قۇراماسىنىڭ ساپىندا وتانداسىمىز الفيا تىلەكقابىل (J1 -57 كگ) كوماندالىق جارىستا قولا مەدال جەڭىپ الدى.
IBSA كومانداسىنا ءوز قۇراماسىنان ادام سانى جەتكىلىكسىز بولعان سپورتشىلار كىردى.
كوماندالىق جارىس جەڭىمپازدارى ۋكراينا بولسا، كۇمىس برازيليا قىزدارىندا.
سۋرەت: Inform.kz