وسى جىلدىڭ قاڭتار-قىركۇيەگىندە ەلىمىزدە قارۋدى زاڭسىز الۋ، پايدالانۋ، وتكىزۋ جانە باسقا دا ارەكەتتەرگە بايلانىستى 2 مىڭ قىلمىس تىركەلدى. بۇل ءبىر جىل بۇرىنعى كورسەتكىشتەن 37،9 پايىزعا ارتىق، دەپ حابارلايدى Almaty-akshamy.kz Inform.kz-كە سىلتەمە جاساپ.
Finprom.kz مالىمەتىنشە، قۇقىق بۇزۋشىلىقتاردىڭ كوپشىلىگى، ياعني 1،4 مىڭ ءىس قارۋدى، ءوق-دارى، جارىلعىش زات جانە جارىلعىش قۇرىلعىلاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ جۇرۋگە بايلانىستى بولىپ وتىر.
مۇنداي زاڭسىزدىقتار وتكەن جىلمەن سالىستىرعاندا 42،1 پايىزعا ارتىپ كەتكەن.
سونىمەن قاتار ءجيى جاسالعان قۇقىق بۇزۋشىلىقتاردىڭ قاتارىندا قارۋدى زاڭسىز جاساۋ (418 جاعداي) جانە قارۋدى، وق-دارىلەر مەن جارىلعىش زاتتاردى ۇرلاۋ نەمەسە قورقىتىپ الۋ (141 جاعداي) بار.
قارۋدى زاڭسىز الۋ، پايدالانۋ، وتكىزۋ جانە قارۋمەن باسقا دا ارەكەتتەرگە بايلانىستى قىلمىستىق قۇقىق بۇزۋشىلىقتار ىشىندە ءبىر جىلدا ەڭ كوپ وسكەنى - قارۋ مەن ءوق-دارىنى ۇرلاۋ نەمەسە قورقىتىپ الۋ.
مۇنداي قىلمىس 9،4 ەسەگە ارتىپ كەتكەن. مۇنىڭ سەبەبى قاڭتارداعى وقيعالار بايلانىستى.
مۇنداي قۇقىق بۇزۋشىلىقتار سانىنىڭ ايتارلىقتاي ءوسىمى الماتى (ءبىر جىل بۇرىن 3 جاعداي بولسا، بيىل 31 جاعداي) جانە جامبىل (13 جاعداي، بىلتىر 1 عانا جاعداي) وبلىستارىندا دا بايقالدى.
قازاقستاننىڭ 20 ءوڭىرىنىڭ 14-دە عانا بۇل سالادا قۇقىق بۇزۋشىلىقتار تىركەلگەن.
سۋرەت: Informburo.kz