«اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆ پارا الىپ ۇستالدى.
پارانىڭ كولەمى دە اناۋ-مىناۋ ەمەس، الەۋمەتتىك جەلىلەردەگى اقپاراتقا سەنسەك، 30 ميلليون دوللار. تەڭگەگە شاققاندا 13 ميلليارد 300 ميلليون، دەپ حابارلايدى Almaty-akshamy.kz 24 kz-كە سىلتەمە جاساپ.
سىبايلاس جەمقورلىققا قارسى كۇرەس قىزمەتى ونىڭ پارا الىپ ۇستالعانىن جانە تەرگەلىپ جاتقانىن راستاعان. ابىلاي مىرزاحمەتوۆ «اتامەكەن» ۇلتتىق كاسىپكەرلەر پالاتاسىنىڭ باسقارما باسشىسى قىزمەتىنەن بىلتىر اقپان ايىندا كەتكەن. ونىڭ الدىندا پرەزيدەنت جانىنداعى ەكونوميكالىق دامۋ بويىنشا مەملەكەتتىك كوميسسيانىڭ مۇشەسى، «قازاقستان تەمىرجولى»، «سامۇرىق-قازىنا» سەكىلدى ماڭىزدى ورىنداردا جوعارعى قىزمەت اتقارعان. ەڭ قىزىعى، ول بۇل قىزمەتتەرگە دەيىن، ياعني 2003 جىلى مەملەكەت مۇلكىن توناۋ بويىنشا مۇلكى تاركىلەنىپ، 5 جىلعا شارتتى تۇردە سوتتالعان بولاتىن.
- ول تۋىسىن قىلمىستىق جاۋاپكەرشىلىكتەن بوساتۋعا كومەكتەسكەنى ءۇشىن الاياقتىق جاسادى جانە كاسىپكەردى اسا ءىرى كولەمدە پارا بەرۋگە يتەرمەلەدى دەگەن كۇدىككە ىلىنگەن، - دەدى سىبايلاس جەمقورلىققا قارسى قىزمەتتىڭ رەسمي وكىلى ارمان تىلەۋكەنوۆ.