الماتى وبلىسى تالعار اۋدانى نۇرا اۋىلدىق وكرۋگىندە 9 مامىر –جەڭىس كۇنى مەرەكەسىنە وراي قاندى مايدانعا قاتىسقان مايدانگەرلەر مەن تىل ارداگەرلەرىن ەسكە الۋعا ارنالعان ءىس-شارا ءوتتى. اتالمىش شاراعا اۋىلدىق وكرۋگ اكىمدىگى، اۋىل اقساقالدارى مەن تۇرعىندارى قاتىستى، دەپ حابارلايدى Almaty-akshamy.kz.
الدىمەن نۇرا اۋىلدىق وكرۋگى اكىمدىگىنىڭ قىزمەتشىلەرى ارداگەرلەردى ۇيلەرىنە بارىپ قۇتتىقتاپ، قۇندى سىيلىقتار تابىس ەتتى. اۋىل اكىمى دانيار كۇنگەي بەيبىت كۇندى سىيلاعان ارداگەرلەرگە ءوز العىسىن ءبىلدىردى. تۋعانباي اۋىلىنداعى ۇلى وتان سوعىسىنا قاتىسۋشىلارعا ارنالعان ەسكەرتكىشكە بارىپ، دۇنيەدەن وتكەن ارداگەرلەرگە قۇران باعىشتادى. جەرگىلىكتى اسحانادا ارنايى اس بەرىلدى. شارانىڭ سوڭى اۋىلدىڭ ايگىلى اقساقالى اتاقشى شوپان، ۇلى وتان سوعىسىنىڭ ارداگەرى، ەڭبەك ەرى كۇنبولات سەيىتوۆتىڭ قۇرمەتىنە ارنالعان فۋتبول تۋرنيرىمەن جالعاستى. فۋتبول الاڭىنا ىرگەلەس اۋىلداردان كەلگەن كوماندالار جينالدى. ناتيجەسىندە تۋعانبايلىق فۋتبولشىلار ءبىرىنشى ورىندى جەڭىپ الدى، ەكىنشى ورىندى نۇرا اۋىلىنىڭ سپورشىلارى مىسە تۇتتى. ءۇشىنشى ورىندى ارالاس جاستار قۇراماسى يەلەندى.
بۇل تۋرنير تەك ءبىزدىڭ اتامىزدى ەسكە الۋعا ارنالعان تۋرنير ەمەس. بۇل ون سەگىزدە وت كەشىپ، سۇراپىل مايدانعا اتتانعان بارلىق اۋىلدىڭ ارداگەرلەرىنە ارنالادى. وسى تۋرنير ارقىلى ءبىز ەرجۇرەك اتا-بابالارىمىزدىڭ ەرلىگىن دارىپتەپ، جاستاردى وتانسۇيگىشتىك پەن پاتريوتيزمگە تاربيەلەۋدى ماقسات ەتتىك. اتالمىش تۋرنير اۋىلدا جىل سايىن وتكىزىلەتىن شارالاردىڭ قاتارىندا بولادى،- دەدى باتىردىڭ نەمەرەسى ازامات سەيىتوۆ.
ايتا كەتەيىك، جەڭىمپازدارعا باعالى سىيلىقتار مەن اۋىسپالى كۋبوك سالتاناتتى جاعدايدا تابىس ەتىلدى.