اكادەميك «دوستىق» مەترو ستانساسىنا باۋىرجان مومىش ۇلىنىڭ ەسىمىن بەرۋدى قولدايدى.
الماتى قالاسى قوعامدىق كەڭەسىنىڭ مۇشەسى، ق ر ۇلتتىق عىلىم اكادەمياسىنىڭ اكادەميگى الما ءابىلقاسىموۆا قازاقستاننىڭ كورنەكتى ۇلدارى مەن قىزدارىنىڭ ەسىمدەرى ءبىزدىڭ جادىمىزدا ماڭگى ساقتالۋى ءتيىس جانە ولاردىڭ ۇلگىسى بويىنشا ءوز ەلىنىڭ تاريحىن ەستە ساقتاۋعا جانە بىلۋگە ءتيىس جاستاردى تاربيەلەۋىمىز كەرەكتىگىن ايتتى، دەپ حابارلايدى Almaty-akshamy.kz.
«قازىرگى ۋاقىتتا اباي داڭعىلى مەن مومىش ۇلى كوشەسىنىڭ قيىلىسىندا ورنالاسقان الماتىداعى 12-مەترو ستانسياسىنىڭ قۇرىلىسى اياقتالۋعا جاقىن. قالامىزداعى ءبىرقاتار بەكەتتەرگە جاقىن ماڭداعى كوشەلەردىڭ اتاۋلارى بەرىلگەنى بەلگىلى. مىسالى، «رايىمبەك باتىر» بەكەتى – رايىمبەك كوشەسىندە، «اباي» بەكەتى – اباي داڭعىلىندا، «جىبەك جولى» بەكەتى – جىبەك جولى كوشەسىندە ورنالاسقان. سوندىقتان ۇلى وتان سوعىسى مايدانىندا داڭققا بولەنگەن، ماسكەۋدى فاشيست باسقىنشىلارىنان قورعاعان حالىق قاھارمانى، قازاق حالقىنىڭ كورنەكتى ۇلى، كوماندير اتانعان جالعىز قازاقتىڭ ەسىمىن بەرۋ وتە دۇرىس بولار ەدى. باۋىرجان مومىش ۇلى 1993 جىلى «حالىق قاھارمانى» جوعارى اتاعىنا يە بولعان العاشقى مايدانگەرلەردىڭ ءبىرى. سونداي-اق، ول – كەرەمەت جازۋشى»، - دەيدى ا.ءابىلقاسىموۆا.
عالىم سونىمەن قاتار باۋىرجان مومىش ۇلىنىڭ «ارتىمىزدا ماسكەۋ»، «گەنەرال پانفيلوۆ»، «باتىلدىق: اڭگىمەلەر» جانە تاعى باسقا روماندارىن ۇلكەن قىزىعۋشىلىقپەن وقيتىنىن جەتكىزدى.
«قالا اكىمىنىڭ بۇل ۇسىنىسىن الماتىلىقتار قولدايدى دەپ ويلايمىن. قازاقستاننىڭ كورنەكتى ۇلدارى مەن قىزدارىنىڭ ەسىمدەرى ءبىزدىڭ جادىمىزدا ماڭگى ساقتالۋى ءتيىس جانە ءبىز ولاردىڭ ۇلگىسى بويىنشا ءوز ەلىنىڭ تاريحىن ەستە ساقتاۋعا جانە بىلۋگە ءتيىس جاستاردى تاربيەلەۋىمىز كەرەك»، - دەدى ول.