پانتامەن ەمدەۋگە سۇرانىس بار
شقو-دا ەمنىڭ بۇل ءتۇرى جىل بويى قولجەتىمدى، دەپ حابارلايدى Almaty-akshamy.kz
شيپاجايلارعا قازاقستاندىقتاردان باسقا كورشى ەلدەردەن دە تۋريست كوپتەپ كەلەدى. بۇعان دەيىن قوناقتاردى مامىردىڭ اياعىنان شىلدە ايىنا دەيىن عانا قابىلداعان ەدى.
جىل بويى جۇمىس ىستەۋ تۋريستىك ايماقتاردىڭ قىزمەتىن ارزانداتۋعا مۇمكىندىك بەرەتىنىن اتاپ وتكەن ءجون. مىسالى، كاتونقاراعايداعى جەرگىلىكتى شارۋاشىلىقتاردا 3،5 مىڭ باسقا جۋىق مارال بار. ولار ەلىمىزدەگى مۇيىزدەن الىناتىن ءونىمنىڭ 85% وندىرەدى.
«جازدا ۇلگەرمەي قالاتىندار بار. كۇزدە، قىستا نەمەسە كوكتەمدە دەمالاتىن ادام كوپ. كاتونقاراعايدا وسى ماۋسىمدا جۇمىس ىستەيتىن ەمحانالار بولماعاندىقتان، ادامدار پانتامەن ەمدەۋدى قولدانا المايتىن ەدى. ال ەندى ءبىز جىل بويى جۇمىس ىستەيمىز»، - دەدى پانتامەن ەمدەۋ ورتالىعىنىڭ ديرەكتورى نازەركە اسقار قىزى.
«العاشقى كۇنى دەنەمە كۇش قۇيىلىپ، قان تاراعانداي بولدى. ەكىنشى جانە ءۇشىنشى كۋرستان سوڭ بويىم سەرگىدى. ءتىپتى تاۋعا دا شىعىپ قايتتىق»، - دەيدى تۋريست يۆان بوجكوۆ.